Laimi tampi nih kan tonmi le kan i fian lomi nu nih nau a pawi lioah nupa sinak hman hi a ngah a sual maw? tihi kan i fiang lo i biahalnak tampi a um. Cu lioah Delhi ah Siibawi rianttuanmi Dr. Pari nih fiang tein a video in a rak cawnpiak. Tha tein rak ngai cio ulaw na hawi le sinah share khawh zong rak i zuam ve.

Nau pawi lioah nupa sinak tuah hi a sual maw? Nupi le caah a ttha maw? a chung i a pawimi a naute caah teh a ttha maw ti biahalnaka um i, cu Dr. Pari nih a chimmi cu nau pawi lioah nupa sinak tuah hi a sual lo tuah ding asi ko tiah ati. Nain hi thil pali hi na theih a herh.

1. Na nupi nih nupa sinak hman kha a duh maw? a lungah a um maw ti na theihpiak aherh?
Nupa sinak hi Emotional chunglei in a rami an si caah na nupi nih a duh lo cun tuah lo ah a ttha.

2. Nupa sinak na hmanmi ding asi i amah nih aduh ah cun na tuahdanning na position chiah ding kha ttha na ralrin a herh. A paw cung hna bawk in na tuah ah cun a caah a ttha lai lo. A paw nan nenh ah cun a paw chung i naute zong nan nenh i a thisen kalding a hman lo caah naute zongah ca zongah attha lo. Pa pawl nih a chiazia a hman nan thiam aherh.

3. Nupa sinak thianghlim a herh. A sullam cu infection zawtnak hna luh lai tih a nung. Cucaah nan tuah dih tik zongah nan kut thiang tein nan i ttawl lai i atanglei zong nan pahnih in thiang tein na i ttawl thianh lai i zawtnak a kham ti asi.

4. Nupa sinak nan tuah tikah na thazang tamtuk na hmang lai lo. Na nupi nupa sinak na hmanpi tikah, thazaang chuah tuk in na hmanpi lai lo. Na thazaang na hman tuk ahcun a paw chung a pawimi naute caah a tthihkheih khawh ti asi.

Hi a chimmi phun 4 hi nan zulh khawh i nan tuah ahcun nupa sinak nan hman khawh. Cun na nupi zong a ngandamnak a tthihkheih lai lo i, a chung i a pawimi a naute zong a tthihkheih lai lo. A chimmi phun 10 aum rih atanglei video ah zohkhawh le ngeih khawh asi.

Note: Mipi sinah nawlnak: Hi cabia le video hi nan lungtlin lonak a um si zongah comment zoh dawh le ngaihnuam lo tiangtiang in comment nan kan tuahpiak nak lai lo kan in nawl duh fawn hna.