Dr. Pari: Kan Facebook Ah Baibal Cacang Aa Tarmi Lawngte Kan Si Ko Caah Kan Lung Tu Sau Deuh Seh

Chin News

Tu lio ka dirhmun in message tampi kan let kho hna lo. Ka lung a tha lo ngai. Hospital he Clinic he cun suimilam 12 bak ka can a dih. Ka fanu he hmanh can hman ti nak ka ngei kho lo.

Image result for dr pari

Nikhat ahhin Mizo holh youtube ka chimmi he cun ngandamnak kong a ka halmi 40-50 tluk an um. Ka leh dih ahcun rian tuan ngol hau phun khi a si. Rian tuanmi ka si caah FB ka chimmi hi Clinic (sekhan) a si lo timi kha nan ka theih piak thiam lai i nan thin hung hlah u.

Message a bia pi deuh mi tu cu Sunday zan ah leh khawh kai zuam hnga. A can lio ah le ka hrelhmi hna a um zongah kan fb ah Baibal cacang a tarmi lawngte kan si ko caah kan lung sau ko seh! Mizaw zoh tikah a ngandam lo nak tuanbia theih a herh i tlamtling lo huaha in a cheu cu an tial tikah hal than hmasa a hau. Cu bantuk cu keimah caah a har taktak mi a si i cu ruangah message ka leh lo mi zong an um len.

Zakzum lo tein nan ka halmi zong kan i thlaichan hna caah a si ko i kan tlamtlin lo nak a um tikah lungsau tein hngak u si law i theithiam ve ve hna u si.

Credit: Dr. Lalthan Pari

Leave a Reply