Ka chung le kal takin sii inn ah ka riak cang. Ka fa le he zan ah kan i then bal lo caah ka ngai tuk hna. Zan 8 pm ah zeidah an lawh hnga tiah video in ka chawnh hna.Ka fanu (kum 3 le cheu) nih ka nu kan ngai tuk a ti. A ka ngaih tuk caah zan ka ihnak angi te cu a kawl i ai hruk. Ka mitthli cu tisor bang ka biang ah a dor dor in a luang ziahmah ko..Bia chim awk ka hngal lo. Culakah Ka fapa nih “ kanu, riak hlah” a ti pah in a tap. Ka hnakruh a ka tam.

Maw stupid virus zei ko hen kan in sual. Chungkhar zong um ti thiam loin na kan tuah. Nai phorhlawt a zual tuk cang! Nai phorhlawt ruangah vawlei kil lengah hlonh na tong ve lai na hngal lo maw? Cutikah ka fa le nih na tuanbia chia cu an chim len te lai.

Thinphan ding cu a um lo. Sii inn rian tuanmi kan si caah a dang tein kan um kha chungkhar caah a him bik caah a si. Kan thin phang hlah seh! Hi virus hi Krih Thawng in kan tei lai. Teitu sinak cu Krih thawng in kanmah zumtu kuttah a kan pek cang mi a si. Teitu kan si langhter nak caah Pathian lian ngannak cu nifatin chim ti ko hna u sih law. Dr. Pari