Tutan ah Rev. David Lah cu Coronavirus zulhphung a buar ruangah tlaih a tong. Lai media, Kawl media, mirang media a konglam cu an ṭial cio. Lai media nih cheukhat nih David Lah kong a ṭialmi ah Dr. Ngun Cung Lian nih faak ngaiin comment a pek ve. Cu i a comment apekmi chungah aitelmi pakhat cu Zawngkengpa ti hi a si. Zawngkengpa atimi ruangah Dr. Ngun Cung Lian zong a betsam tiangin an hlih i faak ngaiin soisel a tong. Cu lioah USA khuasami Pu Hren Iap nih Dr. Ngun Cung Lian kong cu a tanglei bantukin a langhter ve.

Pu Hren Iap: “Dr. Ngun Cung Lian, pasaltha, mah miphun lawng silo in, Myanmar, huap in ram le mi phun ca na tuan, na mi phun nih kan in bomh khawh nak um lo,mi dang cu, Doctor an hun si bak in mah miphun sehtu sahngar tumpi an si. Khrih fabulo ah hnahnok le duhfah nakin an khat, bu an khuai. CBCUSA ah hin bu sawmkua leng an chuah cang, cu bu cu ai khat ko tungmi Trnity siko.

An mah le an mah an I seh, a tuartu cu khrihfa bu an si. Remnak bia velhle chim cu an cawnmi si cang. An thiam ngai, zei hngallo lungmong rual cu hell lei an naih chin lengmang, a pawi tuk. USA ah hin an mah hna hi pei tuanlo hlawh tam ei mi an si. Cu bang cu nang mah tein nai cawm pinah ram le miphun a dawt nasi, an in soiselnak hi bia pi in ruat hlah mu” tiah a ti.

Dr. Ngun Cung Lian nih comment apekmi hi ṭha tein rak zoh ṭhan law, Rev. David Lah nih phung a buar ning kong a ṭialmi hi ṭha tein von ruah ve law achimmi pawl biafang hna hi ṭha tein rak dothlai ve. Zawngkengpa timi rumro kan hna ah a luh awk a si loh.

Dr Ngun Cung Lian nih comment apekmi: Local Ordinance violate a tuah. Immigration Law violate a tuah. Income Tax law violate a tuah. Mah ban tuk pa ca ah maw thla cam nan duh rih? Buddhist, Christian le Islam pawl kar lak ah huatnak a chuah pi mi pa a si.

Nan chuah keh nak a si lo mi ram ah khan, nan duh poh in khua sa hna uh… Nan chuah kehnak ram ah, van lawng in an in thlah than te hna lai.Court (and) Police Station ah, Law and Regulations pawl hna zeihmanh chim duh hlah. Covid-19 a tei maw? Hrawkhrawl pa.. Khrihfa pawl kan mit hmai abitertu pa.. Zawng keng David Lah. Hihi tutan ah Dr Ngun Cung Lian nih a chimmi cu a si.

Biakilh: Dr. Ngun Cung Lian nih Rev. David Lah hi voikhat lawng comment a pe loh. Voihnih taitai comment apekmi hmuh khawh a si. Mipi nih kan soiselnak bik cu Zawngkengpa biafang a hmanmi ruangah Dr. Ngun Cung Lian cu ṭhalo lakin soisel le thangchiat a tong. Thil timi cu kaphnih in ruah zungzal a haumi a si. Zawngkengpa a tinak rumro kan itlaih ahcun a dik lomi a si.

Rev. David Lah nih phung a buarning zeimawzat zong alanghter chih khah! Cucu mipi kan fiang loh ifian awk zong a har ngaingaimi a si. Dr. Ngun Cung Lian nih a chim duhnak zong tlaihpiak thiam a hau ve. Dr. Ngun Cung Lian a dik lonak tlaihpiak peng zong ahmaan thlu loh i, Rev. David Lah dik lonak zong tlaihpiak peng ding a si ve loh. David Lah nih phung a buar ti cu aho cio paoh nih theih dihmi a si ko. Dr. Ngun Cung Lian zong a ṭhat lonak kan kawl peng ahcun zeitik hmanh ah ahman kho lai lo. Cu ve ṭhiamṭhiam in David Lah zong a ṭhat lonak rumro kan kawl ahcun ahman lomi a si.