Dr. Ngun Cung Lian hi International level in Lawyer Pakhat a si ve caah a chim a relmi vialte hi hlawnhding pakhat hman an um lo. Biahman le biatak lawng asi peng ko caah Dr Ngun Cung Lian bantuk in an fimnak le an thiamnak nih a phan lo mi nih Dr Ngun Cung Lian a chim a relmi vialte khi an do peng mi asi.

Chin Miphun hmaiah Dr Ngun Cung Lian biachimh cu mihrut hmaisah bia chimh he aa lo. Mihrut hmaiah bia a chimh balmi nih cun nan theih ko lai cucaah Dr. Ngun Cung Lian a do balhmi na si ahcun keima hi mihrut ka si tiah aa ruah ko usih. Ka fimnak le ka thiamnak nih a phan lo caah asi ti kha tha tein i fiang ko usih.

Politics kong a chimh ah siseh , Religions kong a chimh ah siseh law ning tein a chimh lengmangmi asi. A taktak ti ahcun Dr. Ngun Cung Lian bantuk in International level in Lawyer pakhat hman Chin Miphun chungin an um rih lo. Cucaah pei kawlram President hman nih a bomhtu dingah aa sawm khomi Dr. Ngun Cung Lian asi kha. Chawche Chin Lautu

Thawngpang dang rak rel chih: Chinmi nih USDP kan duhlo ning hi Dr. Hmuh Thang nih fiangte in a theih ko caah, a ra dingmi 2020 election ahcun USDP in aa timh ti men lai lo tiah ka rak ruah. Asinain “ka pe rih lai” tiah amah hmurka tein a chim cang.

2015 lio ah Thantlang Mipi nih Vote an rak pek kha USDP an duh/uar ruang ah siloin amah pumpak an upat le an dawt caah a rak si. Mahkha fiangte in aa theih ko lai tiah ka zumh. Cucaah, 2020 ahcun dignity/limhang ngeite in a retired/aadin cang men lai tiah ka rak zumh hi a si. Asinain,

“Ka pe rih lai” a von ti tikah “Politics” hi a thi ah a rak lut tuk ve cang ti a lang. Politics ah von i cawhpawlh ve hrim kha a tlaihchan ve cang tinak a si.

Thantlang peng ahhin, Chin State PM caah thutnak 2 le Union PM caah, thutnak 2 tiah PM thutnak 4 kan ngei. 2015 ahkhan Chin State PM caah USDP/Dr Hmuh Thang le Pu Van Thawng an pek hna i, Union/ Nypithaw lei a kal dingmi ahhin NLD palai Pu Henry Van Thio le Pi Ni Sui Lian an thlah hna. Ruahlo pin in Pu Henry Van Thio cu Vice President thutnak ah a va phan. Thantlang nih an aiawh ah an thlahmi palai cu Chinmi vialte hmaihngaltertu ah aa va cang. Phun dang in chim ahcun,

Thantlang mipi nih Sa lian an kah. Cucaah, PM thutnak a hlei in bonus/laksawng an hmuh. Pu Henry Van Thio a thutnak aiawh ah a dang thim ding caan tha an ngei. Cu ahcun, CNDP le NLD pasal an icuh i NLD ah vote an thlak caah Pu Bawi Khing cu, Amytha Hluttaw palai caah an thlah tthan. Okay, asi ahcun,

2020 Election ahhin Thantlang Mizapi nih USDP/ Dr. Hmuh Thang cungah an mit an chiah ti hnga maw? Keimah cu ka zum setsai ti lo. A ruang cu, 2015 ahkhan dawtnak he savo an pek cangmi kha a za ko cang tiah an ruah lai ka zumh. Credit: Zasang Cinzah