Atulio ah Dr. Ngun Cung Lian cu Laimi tam deuh nih sualphawt lulh asi. Biachia kha le biafak tiangin comment ah atimi an tlawm ti lo. Dr. Ngun Cung Lian hi lungdiriam ngaiin ti awk pakhat hmanh aa tlak lo. Cun Dr Ngun Cung Lian biafak ngaiin a timi hna nih hin Dr. Ngun Cung Lian hi zakhat ah pakhat hmanh atluk lo hrimhrim lai.

Dr. Ngun Cung Lian hi tutan Pastor David Lah kongah a chimmi ṭhatein ruat cikcek hmanh uh. Phung le Lam hoih in a chimmi a si. Phung le lam ahcun A in Z tiang ti awk tluk in a thei ve dih mi asi.Laimi or Chinmi chungah cun Dr. Ngun Cung Lian nak in a thei in a thiammi hi kan um lailo ti uh sihlaw ka palh tuk lai lo dah.

Thilsining theilo in a au sawhsawh mi ah ruah ding asi lo. Achimmi bia khi ṭhatein zoh ulaw ruah ding taktak asi. Phung le Lam a sining bak in a chimmi asi ko. Pastor David Lah hi zumtu ṭha le Pathian mihman taktak asi ti cu kan theih dih mi asi ko. Asinain tutan a dirhmun hi ṭhatein dottlet cio dingmi asi.

Pastor an si zongah a ho mizei paoh an si zongah cozah nih nawl a chuahmi phung le phai cu zulh dih ding asi. David Lah nih a zulh ve lo ruangah phung le lam he aa tlakning tein an kalpi mi asi tihi Dr Ngun Cung Lian cabia in theih khawh dih asi. Achung sining thei lo huaha in Dr. Ngun Cung Lian diriam ngaiin atuahmi hna hi zeipi kan si lo tihi theih ahau.

Dr. Ngun Cung Lian nih Pastor David Lah kong a chimmi cungah ziah kan Laimi nih bochan taktak mi tiah kan i ngeihmi hna nih zeibia hmanh an chim ṭung lo. Laimi mifim kan timi hna zong nih thilsining cu an theih ko cuta. Dr. Ngun Cung Lian sual pakhat hmanh an phawt ṭung lo. An hmurka pakhat hmanh alangh ṭung lo. Hihi tuak hmanh uh.

Dr. Ngun Cung Lian nih hin thilsining a hmanmi a theih ruangah a chimmi asi. Zeithei loin Dr. Ngun Cung Lian hi biafak le aphunphun holhchia phun in ti hna hlah usih. Zeitluk in dah Chinmi caah rian attuan timi zong hi tuak pah ve uh. Nang le kei nih Dr. Ngun Cung Lian sual kan phawtnak ding alam pakhat hmanh a um in ka thei lo. Zaseh aharh le ka peh tthan te lai. By David VTC

Dr Ngun Cung Lian nih Pastor David Lah kongah a chimmi cu hitihin a si.Local Ordinance violate a tuah. Immigration Law violate a tuah. Income Tax law violate a tuah. Mah ban tuk pa ca ah maw thla cam nan duh rih? Buddhist, Christian le Islam pawl kar lak ah huatnak a chuah pi mi pa a si.

Nan chuah keh nak a si lo mi ram ah khan, nan duh poh in khua sa hna uh… Nan chuah kehnak ram ah, van lawng in an in thlah than te hna lai.Court (and) Police Station ah, Law and Regulations pawl hna zeihmanh chim duh hlah. Covid-19 a tei maw? Hrawkhrawl pa.. Khrihfa pawl kan mit hmai abitertu pa.. Zawng keng David Lah. Hihi tutan ah Dr Ngun Cung Lian nih a chimmi cu a si.