Dr. Ngun Cung Lian Ca Ahcun Ningzah Taktak Si

Chin News

Dr. Andrew Ngun Cung Lian cu Min Aung Hlaing nih hramhram uknak lak in Cozah thar a sermi ah ruahnak petu ah thim a si ve. Upadi lei ruahnak petu ah chiah mi ruang ah Chinmi dihlak lung a faak. Hi kongah Dr. Ngun Cung Lian nih ka cohlan timi fehternak a um rih lo nain Chinmi tampi nih an lungtlin pi lonak an langhter cio. Hi kongah Chinmi nih bochan mi Rev. Thawng Tha Thang nih Dr. Ngun Cung Lian cu a pumpak faebook bak ah faak ngaiin ralrin peknak a taang lei bantuk hin a tuah colh.

May be an image of 1 person

Rev. Thawng Tha Thang: Upadi thiam sang mi nih cun upadi ningcang loin a hmang i mipi a hremtu le nuhrin covo a lak piak tu kha Mipi aiawh in dirkham le doh piak phung a si. A tu cu mipi tlaihnak- hremnak- dictator bawmnak tu ah Pathian pek mi na thiam nak hman nai tim. Na accept taktak lo naklai thla kan campiak. Na accept ko ah cun Chin DNA le Khrihfa morality na thisen ah a um lai lo tinak a si i, Chin mi lak i leirawitu (traitor) tuanbia ah kan chimpeng cang lai.

Salai Lungthli Tum: Min Aung Hlaing tapeh Ngun Cung Lian hi CNF zamtak in MPC ah a rak tuan lio kha cu ka mawhchiat tuk lem lo nain NLD cozah an kai hnu ah MPC an hrawh i riantha a ngei ti lo caah riantha a pe than kho ding USDP le ralkap an tanbo ah ai cang. Wirathu le Hla Shwe a uartu hna nih cun an hun uar ngai. MAH nih uknak a lakmi zong hi Ngun Cung Lian cawlcawnghnak aa tel ve lai ka zumh, atu cu ai ruah chan bantuk tein MAH a ke tawl piaktu ding caah riansang an pek cang. Chin miphun minchiattertu le belnang nehtu Ngun Cung Lian, phaisa in cawk khawhmi man fawi bik minung.

Leave a Reply