Dr. Andrew Ngun Cung Lian nih Rev. David Lah cu Covid-19 phung a buar ruangah tlaih a sinak kongah biafak ngaiin comment apekmi. Cucu a ho cio paoh nih hmuh le theih dih a si. Cu ti i comment a pekmi hmu cio a si tikah Dr. Ngun Cung Lian cungah mi tampi an thin a hung i cheukhat nih an hmuhning an chim ve. Tutan zongah Chum Pi Lianching timi Dr. Ngun Cung Lian kong a tanglei bantukin a ṭial ve.

Chum Pi Lianching: Dr. Ngun Cung Lian bia chim mi Laimi nih post piak ti hlah uh. Laimi caah rian atuan mi a um lomi hna sunhlawih le upa vo va pek lengmang hi ka thin a lin. Dr Ngun Cung Lian cu kawl pawl nih an cawk cang mi asi. Nanmah ta asi ti lo. Kanmah lungfah ter tu ding ah an cawk mi asi cang. An palh lonak an sual lonak dir pi tu ding ah tangka in an kan cawk cang mi asi.

Laimi na si le khrihfa na si kha a tuak ti lai lo A ngeitu le a zua tu lei ah a tang lai i bo thluahmah ko lai. An forh ning a san ah cun an seh khawh mi hna asi. David Lah a ti ning cu ka mang tiang in ka manh. A mah khrihfa asi ve bak komi. A tangah Dr. Ngun Cung Lian ni Rev. David Lah comment a pekmi kan chiah chih.

Rev. David Lah cu kawlram cozah nih coronavirus phung na buar tiah biaceihzung ah tuni ahkhan an chuahpi hi a si. Dr. Ngun Cun Lian nih comment apekmi cu hitihin a si “Court (and) Police Station ah, Law and Regulations pawl hna zei hmanh chimh duh hlah.Covid-19 a tei maw? Hrawk hrawl pa… Krifa pawl kan mit hmai a bit ter tu pa.Zawng keng…. David Lah,” tiah faak ngaiin comment a pek.

Cu lawng siloin midang nih Rev. David Lah kong an thlahmi ah hitihin comment a pek ṭhan “Local Ordinace violate a tuah. Immigration Law vioate a tuah. Income Tax law violate a tuah. Mah bantuk pa caah maw thla cam nan duh rih? Buddhist, Christian le islam pawl kar lakah huatnak a chuahpimi pa a si. Nan chuahkehnak a si lomi ram ah khan, nan duh poh in khua sa hna uh. Nan chuahkehnak ram ah van lawng in an in thlah than te hna lai,” tiah comment a pek ṭhan.