V.O.M Journal|Dr. Lian Hmung Sakhong cu a luancia 28 August 2010 lio ah khan Mizoram, Aizawl Police nih an rak tlaih i a hawile Chin mi minung (26) hna he Lock-up ah an rak chiah hna. “Mizo ram ah kum saupi a um cang mi ka hawile Chin mi minung (26) hna he Aizawl police nih an kan hruai i Lock-up ah an kan chiah hi a si” tiah a tarlangh.

Chin miphun a dawtnak, Kawlram Democracy hmuh khawhnak ding caah aa zuamnak ruang ah le zeitindah Ralkap Cozah nih an hrawh dih cang mi kan rampi kan sersiam ṭhan lai timi saduhnak a ngeih mi, a cawlcangh nak ruang ah Mizoram Cozah tiang nih an rak tlaih hi asi.

“Mizoram Aizawl ah a um mi Chin miphun hna sin ah Training ka tuah. Kawlram Zauk phung tungtlai (Democracy Principles), Nuhrin Covo le Mah tein khaukhan lairel khawhnak (Hunan Rights and Federalism) kong, Zeitin dah rampi kan tunmer lai, kan siamremh lai timi kong training ka pek hna hi asi. Training kan tuah cuahmah lio, suimilam tlawmpal chung te ah Police nih an kan luh hnawh, an kan tlaih i thirfung in kut mi inn chung ah an ka khumh hi a si” tiah a tarlangh mi ah hmuh khawh a si.

Mizoram thonginn chung a umnak kong, a lungre theihnak le a thinlung put a langhter mi nih zeitluk in dah Thonginn chung um a har timi zong a langhter ngai ngai.Hi ti an tlaih hi kum 2010 August 28 ah a rak si. A si nain kum 10 a liam hi kum 2020 August 17 ah Pi Aung San Suu Kyi nih “Peace Making Prize” timi a pek tikah aa lawmh nak a ngan ngai ngai. “Peace Making Prize” timi hi Pi Aung San Suu Kyi nih kum 2015 in remdaihnak ah aa tel mi minung 100 sin ah a pek mi a si i cu ahcun Dr. Lian Hmung Sakhong zong aa tel ve hi asi. Hmanthlak kan tar mi hi Aizawl thonginn a taan lio kong a ṭial mi asi.

Note: Dr. Lian Hmung Sakhong nih amah pumpak Facebook ah a taarmi kan rak taar chinmi a si.