“Day of Peace” i Rangoon khuapi Maha Bandulah duum i, Dr. Lian H. Sakong nih Kawl le Tlangcung mipi hmai ah ” Kei cu Chin miphun ralkap ka si” a timi le Panglong agreement kong a chimmi hi ral tthat a si lo. Chim lo awk a ttha lomi tu a si. Thildik hi aupi ngam a hau, thildik ttanh le aupi ngam hi “ral tthat” le ” ngamhsan” zong a si lo.

Ram le miphun a dawtu kan pale hna hi “ral ttha” lawng an si lo. Miphun caah lu hloh an sian, an nun an i pe ngam. Ka chim duhmi na tlaih khawh lai dah! Credit: Jeim Van Thawng Ceu

Ramkhel kong dang rak rel chih:NLD Cozah chan ah Ziknawh a tam lo, Ziknawh eitu an lang deuh (By: Rolian). NLD cozah a kai hnu ah ziknawh eihmuar a tam tiah Party lei siseh, pumpak cio nih chim rel cio a si. NLD cozah chan ah ziknawh eihmuar a tam hrimhrim lo. Ziknawh eihmuartu minung tu an lang chinchin bia si.

Ziknawh eihmuar an langh chinchin ruang ah ziknawh ei hmuar a tam a si lo. thil dik lo an alnghter khawh deuh a si. Aluan cia cozah chan kha tuak hmanh. Ziknawh eihmuar kong a laar tuk lai lo. mipi nih an chimtuk lai lo. zeicatiah kha lio cozah chan ahcun ziknawh ei cu a phung ah an rak ruah caah a laar lo cu te.

Ziknawh cu a party policies nih a awnh lo tik ah a ei tu hna khi party aiawh in an ei a si lo. Pumpak hrokhrol in an ei mi a si. NLD cozah chan ah a party chung in siseh, pumpak in siseh ziknawh eihmuar tu hna cu an hlat hna I an theih hna ahcun dantat an si ko.

Chin ram NLD cozah zong nih ziknawh an ei tiah nan ti lengmang mi zong hi zumh a um lo. ziknawh a ei tiah nan hnglah ko ahcun ziah nan report ngam hna lo. Tender na sok i na hmuh lo ruang men ah maw ziknawh an ei caah ka sung nan hei ti.

Ziknawh a ei tiah leng ah na au tung I na report ngam hna lo ahcun a cheuchum (half) ziknawh ei tluk na si ve ti khawh a si. Ziknawh ei a doh ngai bantuk in leeng ah chim tung i report taktak ngamh tung lo. NLD cozah chan ah Ziknawh ei a tam lo. ziknawh eitu pawl an langhter khawh bia a si ti kha philh hlah usih.