HOLHTHEIHLO LIH ASI FIANTERNAK (Part 2). 1. Baibal ah Jesuh cu Thiang Thlarau in a khat i holhtheihlo in a holh ti a um lo. Bible ah Steven cu Thiang Thlarau in a khat ni dididadadududu heih-heih-heih tiin holhtheihlo in a holh ti a um lo. Laimi Thlarau in ka khat ai timi pohcu heih-heih-heih tiah nan au dih fawn.

2. Holhtheihlo tiah nan ruahmi holh hi acheu nihcun vanmi holh asi nan ti i acheu nihcun Thiang Thlarau holh asi nan ti. Asinain vanmi nih heih-heih-heih tiah an holh ti Bible ah kan hmu bal lo. Thiang Thlarau holh cu dididadadududu heih-heih-heih asi ti a um bal fawn lo. Nan holhmi hi zei holh dah asi? Lih holh maw?

4. Holhtheihlo cun Pathian kan chawn ve, Pathian sinah biathli thup kan chim ve nan ti nain “Bawipa! Kai lawm” ti hmanh a chim nan thiam fawn lo. Holhtheihlo hi a sang ngaimi Pathian Thlarau thil peek ahcun nan chiah nain sullam ngei lomi hngakchia holh hmanh a tluk lomi lawngte nan chimmi si dawh a si. Bawipa kai lawm tihmanh nan chim thiam lo ah holhtheihlo i hla i nan sakmi tengtung hi zeikodah nan chimmi le nan sakmi asi kun?

5. Paul nihcun a lettu an um hrimhrim awk asi ati nain nan holhtheihlo le nan hla pawl hi ahohmanh nih nan let bal fawn lo. Leh khawhmi zong a si lo. Cucaah Bible he nan i kalh. Baibal he nan i ralchanhmi zong kha a poi ah nan chia lo. Nan caah zeitluk indah ttih a nun?

6. Baibal ahcun holh dang in holh khawhnak kha Thlarau nih a rak peek hna nain tuchan ahcun acheu nih a cawn in nan cawn chom. Thlarau thil peek cu cawn khawhmi asi hnga maw? Keimah hmanh hi nanmah bantuk asimi Korea pa nih a rak ka cawnpiak bal ve. Asinain lih asi caah holhtheihlo cu ka ngei kho lo.

7. Baibal cu Greek holh in an rak ttial i cucu English in an lehmi an si dih. Asinain Greek Baibal pohpoh ah holhtheihlo timi biafang hi ai tel lo i holh dang, miphun dang holh i holh khawhnak lawnglawng hi Thiang Thlarau nih laksawng ah a peekmi hna cu asi. Cucu Pathian he i chawnhnak caah le thawngttha chimnak caah an rak hman. Miphun dang holh cu sullam a ngeimi holh asi caah cucu leh khawhmi zong cu a si. Asinain Laimi nihcun nan lih in mirang hla phun in nan sak i nan laam, nan kui. Baibal ah Paul nih holhtheihlo hla a sak piak hna le an laam ti a um in a um bal lo.

Thiang Thlarau nih a peek lomi Thiang Thlarau nan puhmi le Jesuh min in lih i holhtheihlo hla nan sak ngam ko mi hicu, kan ram ah mei bantukin nan lawn ter komi hicu, ngeihchia nan va si dah. Aung Myint Thang