Saya Aung hi Laimi huap in miraltha a si ko caah le mipi sinah aa langh bak ve mi a si ko caah a hmantlak he, ka tarmi hi phun dang ah ruat hlah uh tiah kan nawl ta hna. Huaisen le Ralțhat, ngamhsannak vialte a ngeimi a si. Micheu nih cun Cal cung saruh chonh bang ningzah a thiam lo bia an ti. A ralțhami caah ningzah awk um lo teh. Fimthiamnak lei ah le a sang bak mi a si. A tu lio ah Holhtheihlo kong he pehtlai in Holhtheihlo a dirpitu pawl a zuamzawh lio hna a si. A hlei khun in Van Hla tiah Khuang he sa in tuallai ah mipi a tomtom bak in a țul ter kho tu Rev. pawl kha a ngair hna kan ti lai cu. A mi ngair dan hrim hi uar a um tuk, zapi hmai bak in debate kan tuah lai a ti ko.Minung pahnih nih cun kan ngamh bak an ti nak zong a um kha. Lai pasal cio an fimnak le hngalhnak platform cung bak ah i phomh ding an si ko. Lai paih nak hmanh in platform cung debate hi kan larter awk deuh pei a si cu. Laimi phun a remh deuh tuk lai. Nain Lai paih zong cu sunsak țhiam e..chim duhnak cu debate hi miphun caah țhathnemnak nganpi a um nak ka hmuh caah a si.

 

Hi kong he pehtlai in kei ka ruahnak ahcun a rannak bak in CACC nih an tawlrel awk a si in ka hmu. A hlan deuh chan bang, fim i cuh ngai i, mipi țhennak tu a chuahpi lai timi Idea kha varal a pet ti lo. Kha bantuk idea nih khan Laimi hi mui lak tu ah a kan peih chin. Greek pawl hi philosophy le Idea, ruahnak, zumhnak kong pawl ah debate le el-al a rak zuam tak vemi an si. Ethen Khuapi cu Greek miphun hna nih Fimnak taktak an rak hmuhnak khua a si. Zei caah tiah cu bantuk Idea ruahnak langhter khawhnak platform kha Ethen Khua nih a rak inn țek zungzal. CACC zong nih kan Lairam ah a linsami le a langsarmi idea zumhnak, ruahnak kong pawl zapi sin ah langhter khawhnak ding ah Platform sersiam piak lengmang aa zuam awk a si.

 

A tu bantukin saya Aung Cakei Doctor pakhat nih tlaihhrem ngamhnak ralțhatnak bak he, a zuam cawhmi hna hi leklak tiah CACC nih “neya lak ter colh bak ding a si” “step zong lak ter colh ding an si” tlaihhrem ngamhnak ralțhatnak ka ti tikah hin zapi nih cun nan pemh lai lo. Saya Aung Ralțhatnak ka van hlawi bia a si. A khat rikrek tein a ralțhami a si hih.

Holhtheihlo a um le um lo kongah hi zawn ah fianter kaa tim lo. Saya Aung Kalpi mi cohlan le hlan lo zong kha ka chim duhnak a si lo. A mah bantuk miraltha nih hin Laimi an kan tunmer chin lengmang lai nak a fiang ko. Online chung lawng i, i debate cu a țhahnem tuk ko nain a za hrim lo. Laimi huap Platform CACC bantuk bak ah tuah ding a si. Cu nih cun Laimi hi Fim nak le ceunak lei ah a kan hruai lai. Holhtheihlo mah nih holh khawh hleng loin hruh țanh bak in a țanh mi pawl zong nih an fim deuhnak ah a cang lai i, Holh theih lo a um lo ti bak in Bible zong rel huaha țung ve loin a aumi pawl ca zong ah fimnak ah a cang lai. Zapi ca hrim ah miaknak a chuak ko lai.

Note: saya Aung hi a hmantlak cheu khat pawl hna ahcun tutte rak timi Bawlaw hna a lo i ka uar ngai. Tar loin ka um kho lo i ka tar ko hih. A cung bik ah ka chim cang bang, Zapi hmai ah aa langh bak ve mi a si ko caah phundang in a ho hmanh nih ruah lo ding. Credit: Siang Bawi (Global Rawn Chin Media)