Dr. Andrew Ngung Cung Lian Hi Mifim Ngai Ah Ka Rak Ruah Nain Tutan a ca Tial Mi Hnu Cun Ziro Bak Ah Ka Chiah

Chin News

Dr. Andrew Ngung Cung Lian Hi Mifim Ngai Ah Ka Rak Ruah Nain Tutan a ca Tial Mi Hnu Cun Ziro Bak Ah Ka Chiah

Image result for thla awr bawihrin

Tutan ah kan laimi kan pa pakhat simi Rev. Dr Thla Awr Bawihrin nih Laimi/Chinmi a dawtnak a langhter ruangah a chim mi pakhat hnih ruangah kan unau simi hna Zotung le Matu nih theihthiam loin Rev. Dr Thla Awr Bawihrin cungah an lungfahnak le duh lonak an langhter hnu ah Rev. Dr Thla Awr Bawihrin nih hrilhfiahnak le ngaihthiam halnak ca zong a rak ttial.

A ngaingai kan ti ko ahcun Rev. Dr Thla Awr Bawihrin nih a chim mi hi kan fim ko i kan a chim duhnak kan theihthiam ko ahcun uh ttahnhak le lungfahnak zeihmanh khi a um lo, sinain Zotung lei kan unau cheukhat nih an theihthiam lo tikah Rev. Dr Thla Awr Bawihrin cungah an lungfahnak le biachia kha tampi an chim len, nain kan pa Rev. Dr Thla Awr Bawihrin cu dai tein a um ziar.

Sinain tutan ahhin zapi cu si usih law ngaihthiam halnak ding hrim hi a um lo, A ruang cu a chim mi khi ttha tein kan ngaih ko ahcun kan i fiang dih ttheu lai timi zumhnak ka ngei. Sinain Biaknak lei ah kan pa pakhat a si bantukin a sual lo zongah amah palh ah aa chia i tutan zongah ngaihthiam halnak le a lung tthat lonak zong a rak chim cang.

Nain hi hmanh hi kan i za rih lo. Midang cu ka chim lai lo, Dr. pakhat hmanh si ve mi nih hi bantuk ruahnak a ngaih rih ko mi cu hna bei dong lei khi si. Dr. Andrew Ngung Cung Lian hi mifim ngai ah ka rak ruah nain tutan a ca ttial mi ka hmuh hnu cun a min lawng peih a rak si ve ko hi timi a lang ngaingai.

Rev. Dr Thla Awr Bawihrin nih ngaihthiam halnak le chim fiannak a tuah cang hnu i hi bantuk tiang a chim ko rih mi cu zoh sawh awk ttha ti lo. A chim mi pawl cu a tanglei bantuk in si.

A chimh mi CHINSIM le a ruah ning hi cun, Communist pawl ruahnak le Ralkap ruahnak a si mi ( One Blood, One Voice, and One Order) a si. Zotung unau hna sin ah ngaihthiamnak a hal hna in ka thei lo. Khumi zong ngaihthiamnak a hal hna lo.Kawlhla phuahthiam le sakthiam Falam (Laizo) pawl sin zongah ngaihthiamnak a hal fawn hna lo.

Mindah (Kcho) pawl sin zongah a hal hna lo. Zotung pawl sinah Pathian min in theih thiam hna u” ti mi cu,”CHINSIM zeihmanh nan theih lo caah, Pathian nih fim in chim hna seh timi he aa khat. Halkha hloh a ttanh ruangah Halkha holh a ttanh mi nih cun nan uartuk ko lai.

Mah hi Dr. pakhat si ve mi Dr. Andrew Ngung Cung Lian nih a chim mi a si. Khi tiangtiang in a chim tikah zoh sawh awk hrim ttha ti lo. Zeidah a duhnak si? A herh cun kan peh tthan te lai. Lomhnak he. Thang Bawi

Ref: Thang Bawi

 

Leave a Reply