Dr. Andrew Ngun Cung Lian Nih Pu Zing Cung Mirang Holh A Thiam Lo Ruangah An Tlaih Timi Cu Lih/Hrokhrol Le Firkhut In A Timi A Si Tiah Fiang Ko An Chim Phuan Cang Hih

Pu Zing Cung mirang holh thiam lo timi kong ah ka hmuh ning. 2004 Chin Consensus Building tuah dih in April thla in Thailan leiah kalding in Camp Victoria hlun in Aizawl-Imphal-Kawlram in Thailand Measod ah ka rak kal. NC an rak tuah hnik lio a si i ramdang Phone (International Phone) an rak phih dih lio a si. Mah ahcun Rangoon ka phan. NC lio a s bantuk in rak stict ngai. Rangoon in Pha lei ah a ka kal i Measod lei ahcun ka rak ra.

ZC (Zing Cung) cu mah lio ahcun CNF in kan Vice Chairman a rak si. NDF ah General Secretary a si. Amah he East CNF Office un ding le tuan ding in an rak kan ti i ka ratnak cu a si. MA nih tuahmi training ah CNA in Sang Lian Thang, Hlah Tun le Piang Thar 2003 kum ah an rak kalter hna i RCSS/SSA (S) ah an rak um. Thailand ka va phak lio ahcun a nih cu Visa extend tuah dingin Bangladesh a kal lio a si.

Ka phak ni 4 hnu ah a rak phan. Measod ahcun a nu pi le a fapa/ nu le an nau nu an rak um hna. Amah a phak hnu ah kan hawi le pa 3 hna uc an rak phan ve. June (or) July thla thawk ka ah DAB meeting an ngei hna.

Mah meeting ah dih in Dr. Aye Maung cu Bangladesh passport aa tlaih vemi a si bantuk in Bangladesh ram ahcun a va kir. Mah a kir ahcun an rak tlaih. Cu hnu ah an thlah than. Pu Zing Cung zong cu July thla ah Thailand in USA lei ah a rak kal. USA in ramdang ah a kal i amah a rak kir USA a lut than ah an rak tlaih. An tlaih hnu pi ah contact an tuah khawh i an tlaihti ah khan rak theih. Hi kong he pehtlai in ruahnak tampi a rak umi cu reporttu an um i a si lai ti ah rak ruah dih an si. Aamh an tlaih hlan ah Dr. Aye Maung an tlaih. A hnu thla 1 hnu ah Pu Zing Cung an tlaih ve. Tampi ruahnak a rak um.

Asylum sawk ding in an rak ti lio ah a rak duh lo caah a hnu ah a si kho lo ti a theih hnu ah cun Asylum sawk ding in an rak ti i Asylum cu a rak sawk. Cu i a herhmi pawl ding ca NDF, DAB le NCUB hna i recommendation ca pawl kha ka rak lak piak hna. DAB le NCUB hna i an GS pawl hi kawl pawl an si caah ca cu chun ah rak rak la hlah zan ah rak la te an ka ti i KNU in kan nau pa Saw Chit he kan va kal i kan v lak.

Cu i an tialmi ahcun mirang holh thiam lonak kong aa tel lo. Ram caah kan riantunpi hawi a si. NDF i GS a tuan lio mi a si ti le terrorist a si lo timi kong an tial. Mirang hlh a thiam lo caah timi aa tial lo. Cu an tlaih lio ahcun CNF/CNA le KNU/KNLA cu terrorist an si tiin an rak ti hna. Asina tein 2006 kum October tha ah USA i Foreign Secretary nih CNF/A le KNU/KNLA cu terrorist an si lo. Democracy caah riantuan mi an si. Annih cu Junta Government a simi kawl ralkap uknak an dohmi a si an ti. Cucaah mirang holh a thiam lo ruang ah a timi cu Lih/Hrokhrol le firkhut in a timi a si.

Mirang holh a thiam lo a si ahcun mah bantuk Organization ngan i recommendation lak cu a hau hnga ma? Ruah awk tampi a um. Sinak duh ahcun mi kong hi si lo ning in chim kan hmang. Tampi tial ding a um ko na tein mah tiang lawng hi ka tial rih lai. A herh ning in ka tial thante lai. Credit: Henry Thang Kip Mang