Dominion Software Nih Trump Vote Million 38 Biden An Pek Timi Kongah Election Commission Chairman James Trainor Nih A Chim Cang

World News

Atu lio US thimnak kong nih kan thinlung a kan buaiter cio lai dah timi zumhnak ka ngei. A ruang cu November (3) in thimnak hi tuah a si cang nain nihinni tiangah a hodah teitu si timi biachahnak tuah khawh si rih lo. Atu dirhmun cun Biden nih a tei dirhmun ah a cang nain vote thlak ning a dik lo, lih le hrawkhrawl in tuahmi a si,tiah Trump te phu nih vote hi kan zohpiak in reltthan siseh tiin nawlnak an tuah ve.

FEC chairman James Trainor says this year?s election amounts to a ?spiritual war? - The Washington Post

Hi kongah cheukhat nih cun zeitlukin tazacuainak le duhlonak a langhter len zongah Trump hi a sung ko lai, Biden a teinak ding lam um ti lo, tiah mah le ruahnak chim le ceih cio a si. Khat leiin nihinni tiangah US a cozah pi zong nih hi kongah biachahnak reprai a tuah kho ve fih lo. Hi thimnak hi zeitiang dah aa awh lai timi theih a har ngai. Hi kong he pehtlaiin Trump vote Million 38 cu Biden an pek tiah,” Trump Legal Team nih an chimnak kongah a tanglei bangin US Federal Election Commission Chairman James Trainor nih a chim ve cang.

Wisconsin khuapi ahcun Vote reltthannak an thawk cang i, Michigan ahcun Wayne County zong nih Biden an certify lo ruangah certify lo rih lo dingin court ah chuahpi a herh lem lo. A cunglei kong he pehtlaiin Trump Legal Team nih thimnak, vote thlakmi ah Dominion software nih Trump vote Million 38 bak te Biden sinah an luhter dih tiah an chim.

Hi kongah US Federal Election Commission Chairman James Trainor cu Sky News Australia nih, ‘Voter Fraud’ (vote dik lo) a um ko tiah na zum maw tiin biahalnak an tuah, aleh mi hna cu “thil kal ning le um ning ka zoh lengmang tikah ka zumh ko”tiah a leh hna hi si. A chim duhnak cu Dominion software nih Trump vote Million 38 hi Biden lei ah an kalter ko ti khi a chim duh mi cu si.

Leave a Reply