Dingdi Dream Phu Nih Ye Yint Aung (thla7) Operation Tuahnak Caah Ting 20 Bawmhnak An Peek Hna

Chin News

Thanglei laitlang Paletwa Peng, Peih Hne Ta Pin khuami U Thein Zaw Oo le Daw Lin Swe Yangoon Yankin ngakchia sizung ah a ummi an fapa Ye Yint Aung (thla7)mi cu a chuahka tein lung zawtnak a ngei. Operation kan tuah lai ti ah le Operation tuahnak ding caah phaisa chawva an ngeih lio ruangah mipi sinah bawmh halnak an tuah.

Image may contain: 4 people, people standing

 

Hi kong he pehtlaiin Dingdi Dream phu tawlrelnak in U Thein Zaw Oo le Daw Lin Swe hna i an fapa Ye Yint Aung (thla7)mi a chuahka in lung zawtnak a ngeimi cu Operation (hlainak) tuahnak caah tiin mipi sinah bawmhnak an kawlpiak. Cu bawmhnak an kawlpiakmi hna cu tangka in ting 20 an hmuh cang tiah kan theih.

Image may contain: 2 people, outdoor

U Thein Zaw Oo le Daw Lin Swe hna i an fapa Ye Yint Aung (thla7) bawmhnak kongah Dingdi Dream phu nih hitihin an rak langhter ve ,“July 9, 2020 ah Chin state, Paletwa peng mi Yangoon ah ummi hna U Thein Zaw Oo le Daw Lin Swe hna i an fapa Ye Yint Aung (thla 7) cu Yankin ngakchia sizung ah a lung operation an tuah i Operation zong tlamtling tein an tuah khawh.

No photo description available.
Bawmhnak a petu hna le a an peekmi zat

Ding Dream nih Operation tuahnak ding i bawmhnak an hlutmi a tangmi ting 9 cu Ye Yint Aung nulepa U Thein Zaw Oo le Daw Lin Swe hna sinah Dingdi Dream i chairman Pi Sung Tin Par le tangka tlaitu (Treasurer) Pi Sung Khun Ṭial nih an va peek hna.

Tuchun ni tiangah Dingdi Dream sinah operation tuahnak ding caah tangka an hlutmi hi ting 20 a si i bawmhnak a petu nan dihlak cungah kan i lawm tuk,” tiah Dingdi Dream nih an lunglawmhnak le an rianṭuannak konglam pehtlai in mipi sinah an chim. Chirchan: Dingdi Dream

Leave a Reply