Democracy Muisam le Lamthluan bak asimi Media Zalon nak le Zalon tein Duhnak Langhter Chimrel Khawh nak a um lomi Mipi Cozah Sandah Piahmi Mandalay Sianghleirun Siangngakchia Taza Cuai an si. Kawlram Democracy in thlentu le Dothlen nak tuahtu hi 8888 timi Sianghleirun Siangngakchia hna an si. Pi Ci le NLD cu Mikap cia mi sa in Sawmtuk mi le Khuangcuai mi tu an si deuh. Setan nakin ṭihnung deuh mi Ralkap cozah le Masala Cozah hmanh Nunnak relcawk lo thap in a doh tu 8888 hna I an tufa le kha an hmai a zoh ti hna lo.

Hlan ahcun Siangngakchia cu Sandah piah ding asi. Khamh ding an si lo tiah Pi Ci pumpak nih a rak chimh. A rak fawr hna. Atu cu nan rian asi lo. Sandah piah khawh asi lo. Nanduh mi nan langhter bantuk in nan ṭuanvo Zawng I theih uh tiah ningzak a thlai cang hna. An zoh a langh hna. Democracy Ralkap ṭhawnbik le Hmaisuan bik 8888 an tufa hna kha zei ah arel ti hna lo. A pawkhim hnu ah a zuang mi vate bang. Saphaw cug ah bawk in saphaw ṭamh bantuk in. Hlanlio hnu lei in dirkam tu An pi kha a pomchuah tu hna PU Vom ah aachuah diam.

Cucaah NLD cozah cu Federal cu an mang hmanh ah aum tilo. Democracy sawh sawh lamthluam hmanh ah akal tilo. Lam tanṭim in Democracy lam in a pial I an kan tlau pi diam. Educational College in Siangngakchia 50 nih, 2020 February 4 ah Tai-Fimnak zung, Mandalay ah Sandah an va piah. Rampi Fimnak Vuanci nih Camipuai asau ter mi kong ah asi ve.

Sandah piah ding in Hnatlak nak an lak hmasa lo caah Tazacuai an si tiah Chianmya thazang No (3) Polik Sakhan hmuh nih a chim. Tazacuai nak he Pehtlaih in zunglei ca le thanh nak kan hmuh rih lo tiah Ko Aung Myo nih a ti (Educational Student Union Chairman, Mdy). Tazacuai mi (3) hna: Ko Aung Myo, Ko Ṭuhkhan (Chairman, Kyaupaduang Industrial College) & Ma Zuzam ((Chairman, Kaya Universaty Union).

An nun le pa hna zong dantat le thongthlak an si lai tiah an tlerh rih hna ti asi. Asi le si lo Kan hlat lai I kan phisin ko lai tian Dr. Tin Win, Director, Rampi Fimnak zung, Kawlram chak lei, nih a chim. Thongthanh nak zong a tuah. Nyin-su-si (ငြိမ်းစုစီ) timi Updai Pohma (19) in taza an cuai hna. Thla (3) thong or Liam ter. A pahnih in dantat khawh asi. Credit: Saya Rung Kaw