A cozah pakhat nih thil biapi (hot issue) ah a chiahmi kongah zapi theih in — hihi cu kan tuah hrimhrim lai, tiah an chim cangmi cu an tuah taktak tawn ko. Tuah ding hrimhrim an i timh cangmi an tuah lo ahcun cucu mipi nih a derthawmmi cozah ah an kan ruah lai, ti khi an phanmi pakhat zong asi. Cucu zeibantuk cozah poah ii an lungput kalning cang asi. Hihi inn/thlaam hrawhpiak a tongmi pawl nih faak deuh an rak ruat lo i asi.

Asinain, chungkhar (family) umnak ah an hman cuahmahmi inn cu, hrawhpiak colh lo in, caan pe kho deuh rih hna sehlaw a ttha hnga nain. Inn hrawhpiak a tongmi, umnak inn a ngei lomi pawl cu zaangfaak ngai an si ko. Chin cozah nihhin kan mah nawl an ngaih lo caah tiin an kong ruah piak ti loin an um ding asi lo. Democracy a cozah aa ti vemi, mipi thimmi cozah ttha an si taktak ahcun inn hrawhpiakmi/umnak a ngei lomi pawl caah hin an tuaktaan piak tthan hna ding asi. Credit: Salai Van D Ceu

Zaangfah Zawnruahnak Lungput Tamdeuh In Ngei Ve Usih Timi Hi Van Rel Ve Hmanh. Tampi Nun Thlennak An Pek Hrim Lai. Zaangfah zawnruahnak lungput ngeih timi cu zeidah a chim duh? Midang pakhat nih a ton mi harnak le buainak pawl kha amah bantuk tein tuar piak thiam kha a si. Harnak le buainak kha mah nih ton mi bantuk ruah le hmuh thiam in phisin piak duhnak lungput kha a si. Zaangfah zawnruahnak lungput ngeih kan thiam khawh deuh nak dingah tampi cawn kan hau ve. Cu cu kan thiam khawh nak dingah phun hnih then khawh a si: timhmi ngeih le tuahsernak hna an si.

Timhmi timi cu: midang pakhat ih buainak le a tuar in nak pawl kha tha tein hmuh piak, ngeihpiak ii amah bantuk tein tuarthiam kha a si. Tuahsernak timi cu: va bawmhchanh kha a si. Phaisa bawmh a herh cun bawmh, a siloah ruahnak tha va pek. Thazaang thawnnak va pek. Cu vialte cu na tuah khawh dih lo hmanh ah “a tlawm bik in pakhat khat tel cu na tuah piak khawh ko. Cucu zeidah a si ti cun: thazaang thawnnak a hmuh khawh nak hnga “na mithmai panh” mi te na pek kha a si. Pakhat khat tuah piak ding mi tu kha a biapi mi cu a si.

Dawtnak a ngeituk mi nu Mother Tresa nih cun: kan nih cu thil lian ngan tuk mi kan tuah khawh mi a um lo nain kan tuah khawh mi pakhat cu a um ko. Cucu zeidang si loin “thil fate kha a nganmi dawtnak in tuah kha a si. Cu caah “dawtnak ai tel mi mithmai panh nak” te zong hi a thawng in hmual a rak ngei ko. Zawnruahnak kan ngeih ah cun thil fate kan ti mi hna zong khi “man” kan ngeihter thiam than khawh lai.

A hlan i lawmhnak bia chim ding a si ko nain kan rak philh mi pawl kha kan hun hngalh than khawh lai. Tahchunhnak ah: a tu careltu nangmah hi na mit a that ii fiangten na rel khawh caah na lung ai lawm deuh ko lai. Kut le ke tlamtling lo mi hna na hmuh tik ah nang cu na a tlamtling na si nak kha lawmhzia na thiam deuh cang lai. Sizung ah a dam lo mi hna na hmuh tik ah nang a ngan a dam mi na si kha nai lawm tuk cang lai.

Nu le pa ngei lo hngaktah na hmuh tik hna ah nang cu dawtu le zohkhenhtu tha nu le pa na ngeih mi kha lawmhzia na thiam tuk cang lai. Lam pawngah kut dok mi na hmuh tik hna ah nang cu ei awk caah lungrethei nak um lo mi na si kha nai lawm thiam cang lai. Cucu pei : Psalm catial tu nih : Bawipa thatnak kha nang mah tein tep tuah a ti cu. Cu tik ah vawlei cungah hin nun man ngei le mi vanthabik pei ka si hi ti kha na hngalh khawh than tik ah lawmhnak in na khat lai. Nun kan ti mi cu: Bible nih nang mah le nang mah nai dawt bantuk in na innpa kha na dawt lai a ti.

Cucu zaangfah zawnruahnak lungput kha a tak in hngalhter a kan duh caah a si. A donghnak bik ah” nun man ngei ti mi cu“midang he nun i hrawm khawh kha a si”. Kan nun rih mi le kan dam rih mi caan chung teah hin kan ngeihchiah hlawnthil le inn le lo, kan sinak, kan sining hna kha zoh loin dawtu Jesuh le a dawtnak tu kha zoh in pakhat le khat cungah dawtnak zaangfah zawnruahnak lungput hi ” a tu nak tamdeuh in ngeih khawh i zuam ko hna u sih. Nun hi hman thiam ah cun Bawipa dawtnak hi a sunglawi chin vima ii zei thil poah hi lawmhnak bia chim loin um khawh a si lo. Cucu zei ruang hmanh ah a si lo JESUH KHRIH dawtnak ruangah a si.

Credit: By/Than Sang Lian