Dear Miphun Party: Chief Minister Hmuh Hi Maw Biapi A Si? Nan Lung A Rang Deuh Ko Rua

Hmuhning

2020 thimnak kong ah social media le zapi ruah ning cuai van thlai tik ah lung a vaivuan dih. Social media pawl zong hi a lang le tlang rumro in thawng nan hlat i ca nan tial mi hi rinhcanh tlak )reliable) a si lo tik ah mipi nan vaivuanh tuk hna.

AmyothaHluttaw Speaker hands over Pyidaungsu Hluttaw Speaker's ...

2020 thimnak ah mipi nih zei party le minung dah an duh tiah theih le catial na duh ahcun nangmh kee tein mipi sin ah vak law mipi ruahnak la kho law a tha.Chin Party nih mipi sin fianternak an tuah mi zoh tik ah zumh awk a har mi a tamtuk bantuk in NLD zong zumh awk a harnak a tam pi ve ko. tutan ah hin USDP Party kong chim ka tim lo.

zeicatiah, USDP Party cu NLD party le Chin Party nih tei cia in ruah mi a si caah a biapi mi (Very Critical Issue/Article) ah ka ruah lo caah NLD le Chin Party kong tial hi ka hmaithlak mi a si. Chin Party nih 2020 thimnak ah nan ngiar mi hi zei dang si lo in Chief Minister hmuhnak men in aa zuam mi nan lo. Kawl ram politics thlihran ning nan zohfel taktak ahcun 2020 thimnak hi nani cuh duh bak lai lo. Asinain nan lung a ran tuk caah nai te ah hram nan sih i theithlai nan i timh caah hi ca hi ka tialnak a si.

NLD Cozah nih mahte Chief Minister thim khawhnak lam an phih mi hi Federal Democracy a duh lo caah a si tiah nan ti. Nan nih nihcun hi mahte Chief Minister thim khawhnak hi Federal hmuh tluk ah nan rel. Kan kawlram thil um tu ning cu nan hngalh ko nain nan i hngalhter lo maw a si hnga? tuak h manh, Phunghram remh hlan ahcun President hmanh nih a power a hmang kho lo i ram chung daihnak kong hmanh ah a nawl ngaihnak a hmang kho lo. cu lio ah Chief Minister va hmuh mi nih zeidah a tuah khawh lai, nan tuak pah lo maw?

NLD zong nih cozah a tlaih hlan ahcun rian tuan aa fawih bantuk in a chimrel ko nain ralkap lak ahcun duh ning in thil a kal khawh lo caah minchiat tu a huah. Chin Party zong hi Phunghram tang ahcun nan chim ning bantuk in thil a kal lai lo ti cu theih cia a si. Chief Minister cu 10 zong ngei ko usihlaw nawl ngaihnak tling an ngaih lo ahcun ralkap sal memmer chungah CM tuanmi na si ko. Chief Minster na si ruang le Minster na va si ruang ah ram an ser kho hrimhrim lai lo. cucu 2010 USDP cozah chan i Chin Party pawl MP le Minister nan cawl cangh ning in nan i fiang ko.

Chief Minister kan i thim ruang ah Federal uknak le adangdang zauk phung kan thlen khawh ding a si ahcun mahte chief Minsiter thimnak nawl phunghram 261 hi aa kan pe duh hrimhrim hna lai lo. A kan pek ngam nak a ruang cu Phunghram le ralkap 25% kan um ko caah zei hen an tuah khawh lai, pe ko hna u sih zei hmanh a poinak a um lo an ti caah hi mahte chief Minister thim khawh nak phunghram 261 a kan in pek mi a si. na zumh lo ahcun tuak hmanh ca, Cozah tlaitu zong nih a nawl ngaihnak a hmang kho lo, President hmanh nih a nawl ngaihnak kum 5 chung a hman khawh lo mi nih a fianter ko cu ta.

Zohte hmanh uh, atu cu mipi lunglaknak ah ram thanchonak a tuan kho bik tu ding bantuk le Federal uknak a ser kho bik tu bantuk in nan chim mi hi pakpalawng men a si ve te ko lai.
Dear Chin Party hna, Chin min put in Party nan dirh cu kum 2010 hrawng ah a rak si ko nain Party thar nan si cu naite a si ko. thei kung le thingkung hmanh kum khat fai cin mi nih hram a sih in thei a tlai kho bal lo, rampi i hruainak hi hramthuk nan thlak hlan i theitlai nan timh mi cu miphun le ram nan dawt ruang a si ka zum bak lo, nan lung a rang deuh ko, thutden hi term fatin i cuh ding a si ko cang caah hnawh tuk awk a si lo. a can zoh in nan hngah awk tua si deuh.

NLD nih phunghram Phunghram ti in aa cherhchan mi hi a sawhsawh a si lo dawkaw, Cozah ser le ser lonak hmanh in federal uknak he aa pehtlai mi “nawl ngaihnak” a khamtu daw a si cu,,, Ralkap le USDP nih Federal an ti mi khi i zumh hlah uh, an ngian a si eee, a min an chim peng lai i a tak in thei an tlaiter lai loh, caan laknak men in an chim mi khi i zumh hlah uh.

Fiangte ti ahcun dawtnak aa tel lo mi thil pek cu zei tluk a sun lawi zong ah cohlan ding a si lo. chim duh mi cu, Federal uknak he aa pehtlai mi cu chim hlah, Federal he aa pehtlai mi zauk phung a min thlen hmanh an duh lo khah. Cu bantuk Party nih federal uknak an chim mi cu maw nan i zumh, ramkheel puitling taktak nan si ahcun i zumh ding a si lo lawng hmanh si loin 2020 thimnak hmanh hi nan cohlan ding a si lo, nan i cuh duh ding a si lo, nan caan a pam men.

Zohte hmanh, 2020 thimnak ah na ruah ning in rian na tuan khawh lo ahcun 100% nih Chin Party an chuah tak te lai hi… cu caah 2025 khi hngak ko rih ulaw NLD an si ah USDP an si ah zumh awk an tlak le tlak lo cu a fiang ko cang lai i mi vialte hi kan lung a fim lai kan in ti hna nan duh lo i naite hram a sih mi nih theitlai nan timh mi cu nan caah harnak ngan ngaingai a si te lai. (Dawtnak he) (By: Rolian)

The Voice Of Democracy

Leave a Reply