De Ligt Nih Juventus A Luhnak A Ruang Fiang Tein A Chim Cang, Ronaldo Ruang Si Maw?

Juventus defender thar Matthijs de Ligt nih Juventus a luhnak kong chim in Juventus ka luhnak ruang bik cu manager thar Maurizio Sarri Juventus a luh ruangah si,”tiah fiang tein a chim. Mi viatel nih cun Crsitiano Ronaldo sawmnak ruangah Juventus a luhnak si’tiah an chim mi hi a dik lomi a si.”tiin a chim.

Italian manager Sarri nih seasion khachung i Chelsea a zoh khenh hnu ah Italian champions Juventus-ah aa tthial i, mah ruangah ka luhnak ruang pakhat si,”tiah a chim.

A chim rihmi cu Sarri hi Juventus ka rak luhnak ruang pakhat si i, phone-ah Sarri he kan i chawn i, club a zoh khenh ning le a kawnglam tampi ka theih cang. Cun line up a sersiam mi hna tiangin ka lungtling i, ka duh zawng a si.

Kum 19 lawng simi De Ligt hi Ajax sin in Juventus nih pound 67.5 million in cawkmi a si pinah atu lio hnukham (defender) uarbik pakhat si ve. Juventus pinah PSG, Barcelona le Manchester United hna zong nih cawk an timh cio nain Juventus tu aa thim. Cun Juventus hi a hlan tein ka rak uarmi le ka ttenh cang mi club si,”tiah a chim fawn.

UEFA Nations League final puai dih ah Ronaldo nih Juventus ah lut dingin a sawm hlan in Juventus-ah luh ding aa timhnak kong hi a rak chim bal cang.