Tv. Dawt Bik Zathang ruak tlamtling tein kan I fimtawl kho cang : Lungthli ruah loin 24.7.2019 ah a kan liam taak mi Tv Dawt Bik Zathang ruakvuinak cu tlamtling tein Caan kan hmang kho. Dawtu le hraamkau tu zutu miphun nan dihlak cungah lawmhnak bia kan chim. Bawipa nih nan dihlak cungah Bawipa Pathian nih thluachuahnak in pe hraam ko hna seh.

Tv Dawt Bik Zathang thlahnak biachimnak: A tu btk kan dawtmi Tv Dawt Bik Zathang ( Aa Bik ) ahnu bik thlahnak le upat peknak caan sunglawi ah ACCEM min in kan ngaihchiatnak le sianlo thlahnak biachimnak caantha kan hmuh ve caah lawmhnak bia kan chim.

Tuchun ni ahhin kan miphun nih pakhat le pakhat kan i dawtnak le kan i sianlonak le kan i tlaihchannak kan langhtermi kan hmuh tikah tahnak kha lawmhnak nih hmunhma ahun laak than. Tuchun i kan tuahsernak nih hin dawtnak Pathian a zum i a biami Miphun kan sinak kha fiangtein a langhter.

Cucaah kan Miphun chungah hin Dawtnak leng camcin ko seh ti kha chimchih kan duh ko. Atu btk in hmailei caan zongah kan chiat ah siseh, kan that ah siseh, pakhat le pakhat kha i kal taak loin, i domhtlai zungzal ko hna usih ti zong sawm than kan in duh ko hna. Kan miphun muisam ahhin Dawtnak muisam cuang camcin hraam ko seh.

Tv Dawt Bik Zathang hi ACC riantuannak thazaang a chuahmi le Nihin btk Chiat kan ton tik caah ACC Izohkhenhnak ah aa tel zungzal i mi a bawmchantu a rak asi. Asinain nihin ni ahcun amah ca lila ah hung cang ve. ACC a bochannak kha hitihin a chim tawn. Kei cu ka thih zongah ACCEM nih hin an ka zoh sasawh lai lo. Anmah nih ka ruak cu an ka fim te ko lai a ti tawn. Asinain ACCEM nih hin a chim btk le aa bochan btk in kan bawmchan kho lo. Cucaah kan I lungsak a har ko lai. Cu btk in ACCEM a dawt I aa bochan mi nih ruah loin le tuan tuk ah a hun kan liamtaak tikah hin lung a faak hringhran ko.

Sihmanhsehlaw zeihmanh kan tuah khawhmi a um lo. Tv Dawt Bik Zathang (Aa Bik ) kan Miphun nih kan in siang hrimhrim lo. Tuchun ni ahhin kan miphun ningin na zuun kan tuar i kan in thlah. Zeitiang khidek mithtlam an na hun cuan lai i na zun kan hun tuar lai mu.

Aa Bik Aw, nang cu kan sinin naa then cang caah tuchun 1/8/2019 ni thok in Australian Chin community Eastern Melbourne Inc , chungtel sinak in na Min hloh a si cang. Kan hmai in rak kal chunglaw. Van suikhua khin rak kan dongte law tiah bia kan in cah.

Sian lo mitthli he, Australia Chin Community Eastern Melbourne Inc .( ACCEM).
Credit: Australia Chin Community – EM