Dawei Tiva Ah Ralhrang Tilawng Aa Let I Ralkap 30 Leng An Thi.

Myanmar News

Dawei Tiva Ah SAC Ralkap Tilawng Aa Let I Ralkap 30 Leng An Thi. Tanintharyi ramṭhen, Dawei peng Dawei tiva ah SAC ralkap 30 leng a phortu tilawng pakhat cu December 9 zan suimilam 10:30 hrawngah PDF nih an kah i tilawng cu ti chung ah a pil. Tilawng chung ah a cuang mi SAC ralkap cu an dihlak in an thihnak kong Dawei peng PDF pakhat nih Khit Thit Media ah a chim.

Tilawng lehnak ah a thi mi SAC ralkap ruak 30 hrawng cu an hnulei in a ra mi tilawng nih an char hna. Ralkap ruak ti cung i a vuan hna cu hmuh khawh an si nain an hriamnam le zen-kuan belte an laak khawh lonak kong Dawei PDF in ralkap pakhat nih Khit Thit Media ah a chim. Cu kahdohnak ah cun Spring Guerrilla, Special Guerrilla, DDPDF Company 1, DDF le DNLA hna i bawm in an kah hna, tiah theih a si. Ref: The Chin Post

Thawngdang: KNU Brigade 5 Hmunram Um SAC Ralkap Sakhan Pahnih KNLA Nih An Laak, SAC Ralkap 70 An Thi. KNU brigade 5 hmunram, Mulukyu le Sawhta sakhan kahdohnak ah SAC ralkap ruak 70 le hriamnam le zen-kuan kan char, tiah KNU Mutraw nih an langhter.

December 16 zan suimilam 12:30 hrawngah KNLA brigade 5 ralkap, KNPP le KNPLF hna i bawm in Khah Lah Yah 57 SAC ralkap pawl cu an kah hna. Cu kahdohnak ah cun SAC ralkap 70 ruak an char hna i hliamhma pumi tlawmte cu an zaam dih, tiah theih a si.

Cu sakhan kahdohnak ah cun KNLA le ṭangṭi phu nih meithal, kuan, hriamngan kahnak le a kuan, ke lamh bomb, pehtlaihnak seh le a dangdang ralhriam pawl zong an laak, tiah theih a si. Mulukyu le Sawhta SAC ralkap sakhan cu Karen-Karenni ramri Karen ramkulh chung ah a ummi a si i kum 30 a rauh hnu ah an laak khawh.

Sakhan um SAC ralkap nih khual a tlawng mi hna eidin tirawl zong an chuh tawn hna. SAC ralkap sakhan pahnih kahdohnak ah a luat i a zaam mi hna cu Than Lwin tiva kam he aa hlatnak ah a ummi Khah Mah Yah 440 umhmun an khuarnak sakhan ah an va i fonh, tiah theih a si.

Leave a Reply