Tuni February 24 ah Myanmar rampi ruahnak petu Daw Aung San Suu Kyi nih Hluttaw (Parliament) i tonnak an ngeihnak ah a chimmi cu ” A dikmi uknak (Democracy) kan duh ruangah Hluttaw (Parliament) in kawl ralkap tang thumh kan timh cuahmah hna tiah Daw Aung San Suu Kyi nih a chim.

Tuni February 24 ah Karen ramkulh ah tuahmi Daw Aung San Suu Kyi tonbiaruahnak an ngeihnak ah biahalhal an tuah i cu biahal an tuahmi cu ” Hluttaw (Parliament) chungah ralkapbu (kawl ralkap) nih ṭhutnak hmun 25% an ngeihmi hi zeidah nan ruahning a si” tiah Daw Aung San Suu Kyi biahalnak an tuah.

Ralkapbu nih ṭhutnak hmun 25% an ngeihmi kong i Karen mipi biahalnak cu hitihin lehnak a tuah hna. ” Kawl ralkap hi chuak hrimhrim hna seh ti kan duh hna lo nain kannih cun a dikmi le afekmi Democracry tu kan zoh deuhmi le kan duh deuhmi cu a si. Mipi nih thimmi hna uktu le hruaitu hna cungah ahohmanh an cungcuang kho lo i nawl an ngei kho lo mipi nih thimmi hna lawng nawlngeihnak taktak cu an ngei kho. Kan duh bikmi cu a dikmi le ahmanmi a fekmi uknak Democracy hi a si i kan hmaithlak bikmi zong a si “tiah lehnak a tuah hna.

A peh rihmi cu ” Kawl ralkapbu nih Hluttaw chungah ṭhutnak hmun 25% an ngeih. Parliament (Hluttaw) chungah cun mizapi (mipi) lungtlinnnak in thimmi lawnglawng nawlngeihnak sangbik an ngei i Hluttaw chungah mipi nih thim lomi a hohmanh nih nawlngeihnak an ngei kho lo”a donghnak ah a chim chap.

Note: Hihi kawlca kan leh chawmmi a si tikah kan palhnak tete le a si loning in kan lehpalhmi zong a um kho men aruah zia nan kan thiamnak lai kan in nawl hna. Kawlca arel khomi le a theimi nih cun Kawlca in rel khawh a si. Source: Mizzima Kawlca in rel khawh a si.