Myanmar State Counselor Suu Kyi nih ramchung ah coronavirus in a zawmi chungkhar hna cu a cozah nih kan zohkhenh hna lai. Mi vialte hi ram caah a sunglawimi le man a ngeimi kan si dih tiah a chim.

Nihin ah Pauk Khaung Township Bago ramtthen ah a ummi chungkhar pa bik nih coronavirus in a thimi pa i a chungkhar hna zong hi zawtnak an ngei dih. An dihlak in a cozah nih a herhning in kan zohkhenh hna lai tiah a chim. Minung pakhat caan hi mivialte kan zatlak a si. Kan ngaih a chia hringhren ko. A sinain ngaihchiat vial lawng hi a za lo.

Tuah awk rian kan ngei. Thil sining a chiat chin lengmanglo nak ding caah kan i zuam cio hna awk a si tiah a chim chih. State hna nih a dam rihmi chungkhar hna cu an zohkhenh hna lai.Hihi state rian a si. A ho paoh hi ram caah man a ngeimi kan si hna. Kan caah man na ngei i kan si khawhchung in zohkhenh kan i zuam cio hna lai. Mi vialte nih nan ngandamnak kong kha biapi te in ruat cio u.

Inn ah um khawh dih cio i zuam u law mipi he neihniam in um lo ding i zuam cio hna u sih. Lungretheih sawsawh nak nih zei a chuahpi lai lo. A sinain rammi vialte hi zawtnak ral dohnak ah kan i bawmh cio hna ah cun cu nih cun teinak a kan phanhpi lai tiah a chim.Credit: Irrawaddy