David Ngai Sak-Kawlram Upadi Ning In Cu Chin Pastor Vialte Khi Thongthlak Khawh An Si Caah, Hi Upadi Hrim Hi Remh Ka Duh

Hmuhning

Chin World nih Pu David Ngai Sak cu Interview an tuah mi ah “Zei bantuk Hluttaw ahdah cuh na timh? timi bia halnak an tuahmi cu Salai David Ngaisak nih a tanglei bantuk hin lehnak a tuah hna.

Salai David Ngai Sak II 71st CND Speech. - YouTube

Ahmasa ah cun Pyitaungsu Hluttaw ah in rak i cuh ve ka duh i ka lung ah a um ngaimi a si. A ruang cu Upadi remh ding tampi a um. Tahchunnak ah kan langhter a si ahcun Khrihfa Pastor hna nih nuva ṭhitumhnak puai kutsihnak an tuah piakmi hna khi License lo bak a si, Pastor nih License an ngei lo i ṭhitumhnak puai, kutsihnak tuahnak nawl an ngei lo.

Chairman Si an Duh Tuk Ruang ah CNLD nih Chairmen Pathum an Chiah ...

Khi vialte khi Upadi ning in, President minsent thutmi ning in cun “License a ngei lomi nih thit-um kutsih nak a tuah piak hna ahcun phungning lo a si caah thongthlak khawh dih an si. Cu caah hi Upadi hrim hi remh ding in ka duhmi cu a si. Zeitindah remh ka duh ning a si ti ahcun “Baptist dirhmun in kan zoh ahcun MBC, CBC ti bantuk Association nih License peeknak nawl ngei ve hna sehlaw anmah nih an tangah a ummi, Khrihfabu rianṭuantu Pastor paoh License pe kho ve hna seh ti bantuk khi kaa timhmi cu a si. A sullam cu License peeknak nawl kan tuah piak khawh hna ahcun an limhang a ngan lai, Khrihfa Pastor zong huham an ngei deuh lai i phungning tein an cawlcang kho ve lai.

Chin Miphun Sinak (National Identity) Kilven Ding ah CNLD kan Dirh ...

Hi kong lawng si loin vawlei a lawngmi, Pupa ram ti bantuk kong zongah remh dingmi Upadi tampi a um. Asinain ka cuanh lengmang tikah NLD nih Cozah an tlaih hnu kum 2015 in nihin tiangah hin Pyitaungsu Hluttaw nih Upadi remhnak ah harsatnak an tong i ṭha tein rianṭuan khawh a si lo timi ka hmuh. Cucaah zei a si hmanh ah tiah kum 2020 ahhin cu Pyine Hluttaw tuah zuam ding in kaa tim ṭhan ve.

Chin Miphun Kong a Tawlrel Khotu Ramkhel Party kan Herh Hrimhrim ...

Pyine Hluttaw ah ka tlin ahcun Chin miphun dirhmun, kan herh mi zong a hlei in kan theih deuhnak a si ve lai i Chin mipi bomhnak ka pek khawh deuh hna lai ti hi kaa ruahchan mi asi.Tlukruang tein le dingfel tein rianṭuan khawhnak dingah tiah ka saduhthah cu a si i Chin Party nih Chin ramkulh ah Cozah kan va ser khawh lo sual hmanh ah Cozah a tlaimi pawl nih ding tein rian an ṭuan khawhnak dingah dir awnh khawh peng ding hi kaa timh mi cu a si tiah a chim.

Note: Hi thawngpang hi Chin World nih Kawlca in a ṭialmi v.o.m journal thawngzamhnak nih Laica tein an lehmi kan laak chinmi a si.

Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Upatnak he-Admin

Leave a Reply