David Lah Le Khrihfa Hruaitu Tazacuai An Timhmi Hna Ah David Lah A Rem Lomi Kanmah Khrihfa Kan I Lawmh Awk Si Lo

Chin News

Yangon cozah nih COVID-19 a ngeimi David Lah le Khrihfa hruaitu hna tazacuai an timh hna khi David Lah a rem lomi kanmah Khrihfa kan i lawmh awk a si lo, kan i fahsak tuk awk tu a si. Khrihfa kan dihlak namneh/persecution a si. David Lah phu nih an tuahmi khi tampi i pumnak conference bantuk zong a si lo, chungkhar bantuk in rian a tuantimi minung 20 hrawng chungkhar pumh sawhsawh a si. Hibantuk mibu poah tlaih dih sisehlaw phungki lawng hmanh in thonginn zong nih a zawh hna hnga lo. Phungki cu an ti ngam hoi hna lo.

sayar david lah - pol 10 jan 2019

Suu Kyi nih hi tazacuai kong ah a lung nuam lonak le thildik chuahpi ding tuanvo lak a timhnak kong a Fb ah a hun tial colh than i lung dam deuh. Taza an cuai taktak hna i thong an thlak hna ahcun kan ram mui a chia taktak lai. Credit: Salai Lungthli Tum

Relchih. Zeiruangah Dah Zumtu Cheukhat Naak In Zumlotu An That Deuh? Billy Graham Bialehnak. Biahaltu: Pathian a um lo tiah a zummi hawi pakhat ka ngei. Pathian timi sullam hi a caah zeihmanh a si lo. Sihmanhsehlaw mi tha ngai a si i, Khrihfa ka si aa timi zumtu cheukhat hna naak in a let in a tha i dawtnak a ngei deuh. Zeitin dah a si khawh ning a si, na ka fianter kho hnga maw?

Khrihfami kip hi an chia thlu lo i, an tha thlu lo; na hawi pa bantuk zumhnak a ngeimi zong an tha thlu lo i an chia thlu lo. Vawleicung ahcun sualnak le that lonak a um lengmang ko lai. Mah chungah thatnak le dawtnak kan tonmi cungah kan i lawmh lengmang ding a si. Zeiruangah dah na hawi (atheist) pa cu dawtnak a ngeih i a that tuk? Pathian nih cheukhat cu thatnak in thluachuahnak a pek hna; cheukhat cu an nu le pa nih thatnak an cawnpiak hna. Na hawi pa hi mah ruangah cun a si kho men. Pathian a um lo tiah a zummi a si ruangah dawtnak a ngeimi cu a si ka zum lo.

Na hawi pa nih Jesuh Khrih zum seh law dawtnak le siaherhnak a ngeih deuh chinchin rih lai. Thiang Thlarau nih a chungah a um pi lai i, a nunnak aa thleng thluahmah rih lai. Bible nih cun ‘Thiang Thlarau theitlai hna cu dawtnak, lawmhnak, daihnak, thatnak, zumh awktlak sinak, mah le mah uk khawhnak hna etc an si’ (Gala. 5:22-23) a ti.

Nangmah tu cu, Khrihfami cheukhat dang tuahsernak tha lo nih Khrih he naa pehtlaihnak dawn hlah seh. Jesuh Khrih na zumhnak le naa pumpeknak ah thawng chin lengmang ko. Pathian sinah hal law a duh ning in a ummi na si chin lengmang khawhnak lai thluachuahnak in pe ko seh. Pathian nih Khrih tehte tha ah an hmang ko seh! Ref: Billy Graham.

Leave a Reply