Thantlang No. 3 President Pu Tum Bik nih nizan Thantlang CND i biachim pawl kha nan bia a sau a za. Kan bia hi tawi ko seh a ti hna nain an duh lo caah zapi lak ah a hro hna i mino nih lengah a ban tein an hruai tiah theih a si. Hi kongah capo-biatak tiah “Neelyan Tc” timi nih faak ngaiin comment a pekmi kan rak langhter.

Neelyan Tc: Pu Tum Bik hi kan ngakchiat lioah innpa kan rak si i mi țha ngai le mi nun nem asi ko. Naihrawng a thawngpang a lengmi theih tikah lung a nuam lo dom. Damascus hauka ah Ceu nih teng lak in Saul a kah bang khan Thantlang Cu-su-ba-ih Centenary lungphun hram thengte ah ngal lak in kap ve sehlaw thiangthlarau a tinco hnu in Saul nih Paul ah ai thlen bantuk khan Pu Tum Bik zong hi Tum Bik in Tum Nawl ah ai thlen ve naklai thlacam bawm cio hna usih.

Relchih: Ralkap uknak duh lo langhternak (CND) ni cu Hakha um dawr zapi te khar piak dingah rak nawl a si. Asinain a tanglei dawr pawl cu mipi lei dir pi lo in dawr na rak awn hna. Hmaizarh thawk in cun Cacawn Ninga Nii (Friday) poh cu Hakha um dawr kan zapi tein ralkap uknak kan duh lo langhternak ah kan khar than hna lai.

Khini ah dawr a khar lomi cu CDM ai tel mi zei rel piak lo le ralkap lei nang tang tiah kan i ruah cang hna lai. Mipi zong nih nan dawr kha kan i hrial cang hna lai. Cozah riantuan lawng CDM luh ding in sawm lo in kan mah zong nih kan ti khawh tawk cio in ralkap uknak duh lo langhter cio ding in kan i sawm hna. Ref: Hakha Campaign For Justice