Dam Lo, Mizaw Pakhat Cu Siizung Ah Wuhan Virus Ngeih Le Ngei Lo A Va Piah I Siibawi Nute Cu Hmaihuh A Pek Ruangah Sibawi Nute Cu A Cil A Chak

Thawngpang

Tulio zawtnak ṭihnung taktak a simi Wuhan Virus ralkap tampi le ralthuam tampi in doh khawh le ven khawh a si lomi zawtnak cu a kar chin lengmang cang. Cu zawtnak ṭihnung ralkap le vawlei cung ralthuam tampi nih a doh khawh lomi cu siibawi te nih an zoh cuahmah ve anmah zong a ngei kho dirhmun tiang an dir. Cu lawng hlah thazaang ruahnak um ek chuah in a thlawpnak ding sii an cuahmah ve. Cu caah sibawite hi kan upat hna in kan ṭihzah hna awk hrimhrim an sinain cheukhat cu Siibawi te cungah an sualthiam ngaingai hna.

Image result for Wuhan virus check up doctor"

Chinese New Year hmanh i dinh kho loin siibawi nute pakhat cu Shijiazhuang, Hebei sizungah rian a ṭuan. Dam lo, mizaw an tam tuk i sibawite zong an buai ngaingai. Cu lioah dam lo, mizaw pakhat cu checkup a duhnak cu siibawite a chimh hna. Siibawi nute nih cun ṭha tein a rak chawnh i “Siizung ah dam lo, mizaw an tam ruangah na hmuh/hmur i huh, na zual chin ve sual lai tiah” tiin hmaihuh a pek. Cu tikah dam lo pa cu a thinhung tuk i siibawi nute cu a hmaihuh a phoihpiak i cil a chak. “Ka dam ti lo, ka zaw cang ko hmaihuh ka herh lo” tiah a leh.

Image result for Wuhan virus check up doctor"

Siibawi nute cu cuti a cil a chak tikah a ngaihchia lungfaak tuk i a ṭap cawlh. Dam lo, mizaw pa nih cun ” Nan zohkhenh khawh lo dingin le dam khawh lo dingin ahcun nangmah zong na dam kho lo. Kan thi ṭi lai” tiah Siibawi nute cu a hro. Siibawi cu a rannak in an zoh/checkup cawlh i vanṭhat ah zawtnak virus an hmuh lo. Cun cil a chaktu pa zong vanṭhat ah checkup ṭha tein an tuah tikah Wuhan Virus zawtnak hrik a rak ngei lo dam lo sawhsawh a si tiah theih a si.

Leave a Reply