Texas peng Dallas khua ah ropui taktak in Lai Paihnak a um lai

A ralai mi August 30 ah Dallas Lai paih committee hruainak in ropui taktak in paih tuah a si lai. US um lai pathawng vial te cu an tling dih lai tiah thawng kan theih. Ramdang zong in an sawm chap mi hna an um len. 1. Club paih zong a um lai i minung pa ( 6 ) tlin ahcun a hopaoh luh khawh a si. Tutiangah a fiang cang mi club hna cu;

1. CHS Club-2. Hniarlawn Club-3. Chin star Club-4. Zophei Club- 5. Vakok Club hna an si lai. Cun champion a co bal cang mi ai tel dingmi hna cu;

1. Rung Lian Ceu-2. Uk Ling Thang-3. Kap Tawng-4. Mang Cung Lian-5. Ram Nuam Sang-6. Sang Hlei Thang-7. Biak Hmun Sang-8. Tum Bik-9. Van Mawng-10. Lal Tawng. Mah hna hi tutan ah ropui taktak in Chinmi thong 15 um nak Dallas TX khua ah an i phomh lai. Ref: CCN

Nungak/Tlangval Duh Dawtnak Kongah Biacah Hi Van Rel Chih

Nungak/Tlangval nih duhdawtnak ah i duhdawt a herh tluk tein i theihthiam hi a herh taktak ve mi asi, vawlei ah theihthiamnak loin zeithil hmanh tuah ți khawh asi lo. Cu caah theihthiamnak cu zeitik caan hmanh ah a sung belmi zong asi lo. A chel caan ahcun na Tlangval or Nungak kha hnohhnawh tawn ko cucu a zia na thiam ahcun duhdawtnak a fehter tu thil pakhat asi.

Nain zeitik hmanh ah chikhat te i theihthiam lonak ruangah na daling kha va unh hrimhrim hlah, hi ka zawnte ah hin theihthiam lonak nih zalong tuk in nan cungah an tlun hnawh sual hna lai, theihthiamnak a um ti lo hnu cun, i țhen(piat) hi a fawituk. Cu caah na Nungak or Tlangval kha chikhat te hmanh va unh sual hlah(neih niam tein um mi nan si cun poituk lo) an unh ve sual ahcun ngeihchih nak in na khat sual lai. I unh hi țhennak lam sialtu tha bik asi ti kha va phlih hlah.

Duhdawtnak hi fawituk in co i tim hlah, duhdawtnak cu a dihkho lomi asi caah harsatnak tampi a um lai. Suingun chawva a ngei mi lawng Nupi/Pasal dingah va tum men hlah, tangka in cawkkhawh mi duhdawtnak cu kumkhua dei a nguh lo. Tlangval or Nungak pawl nih an i țuaih(kawmh) duh lo ahcun ngeihchia lungrawk (i nuam) loin um hlah, na Pasal/Nupi hrangah nu sunglawi bik na si te lai.

Nupi dingah virgin te na duh si ahcun nangmah kha na virgin hmasa a hau. Na nungak ih pi minu kha a veituk si ahcun ka hlan ah midang an rak um cang ti kha theithiam. Nupi/Pasal tha te ngeih na duh si ahcun nangmah kha Nupi/Pasal tha te si i zuam hmasa. Cu bantuk cun a thianghlim mi Nupi/Pasal ngeih na duh si ahcun nangmah kha na thianhlim hmasa hau.

Tlangval na ngeih fatin te virgin ka si vati men(lengmang) hlah, nangmah an ih pi tu pa nih a theihthiam ding. Na daling nu fawituk in na ih pi ruangah Nupi tha asi lo va ti men hlah, an duhtuk ruangah na sinah a par a siannak asi kho. Daling tampi neih khi va uartuk hlah, thinthi tak in neih mi Nupi/Pasal tha na tling kho lo.

Na Dl a veituk si ahcun a hmasa biknak ka si ti kha thei law fek tein tlaih i zuam. Dawh duhtuk ruang i, i zumh, țtamhtuk hi Nupi/Pasal tha tonnak a si hlei lo. Na tlangval pa nih an len fatin te zuu a riit lengmang a si ahcun, fawituk in pasal tha lo ah ruat men hlah. Ningzah a pangmi asi ruangah ralthatnak ah a dinta mi asi kho.

Ref: TCP