Dadeo Cer-Laipa Palik nih kan nau le an tlaihmi hna ‘ka sikhawh chung ka zohkhenh bak hna lai”

Hmuhning

Dadeo Cer nih amah pumpak facebook ah Police pa (laipa) he bia an i ruahnak kong a taarmi mipi hmuh awkah taar a tlak ko kan ti caah kan von taar. An i biaruah rel ah lung a hmui ngaingai. A taarmi cu,’Tunai te bak ရဲစခန်း in ka rak ttin. Kan nau le Nu pawl caah a herh mi Sanitary le wet tissue tbk kan va chaan hna. Ka rak ttin lei cu vawlei cung minung vialte aa chawkmi an um lo.

Ningttih ngai khi si nain khuaruahhar in ka ningttih bak lo. Ka thinlung chung ah ralthatnak in a khat.Police pa (laipa) he bia kan i ruah. “Kan nau le pakhat khat an si ah cun kan duh lai lo hih” ka ti.

A mah nih “ ka sikhawh chung ka zohkhenh bak hna lai” a hei ka ti. Saya Abednego nih thla a campiak hna. Amah nih “kan nau le cu khuaruahhar in an “calm” ko. An lung a tthawng tuk” a ka ti.

Thlacam dai rih hlah sih. Zei kan ton mi poh kan teinak ding lam tu a si ko mu. Innchung in thawngpang ngai in a lungre thei mi zg nan lung rethei tukk hlah uh. Pathian nih a kan um pi hrim ko.

Palek le Ralkap nih biaknak hmun HBA le Carson Hall ah lamzawh mibu an rak fuh hna. Ralkap uknak kan duh lo tiin lam a zawh mi Hakha mibu hna cu 2021 February 27 chunhnu, Carson Hall tual i an i ton lio ah Palek le Ralkap nih meithal le meithahnak seh he HBA le Carson Hall kar lam ah mibu an rak fuh hna.

May be an image of one or more people, people standing and road

“Hika hmun cu Chinmi le Khrihfa mi nih kan sunhsak mi, biaknak hmunhma a si. Hika hmun hna ah an hriamnam he rammi an rak kan fuh i an duhpoh in an kan cawlcangh hnawh mi hi cu kan biaknak le kan miphun an kan nehsawh a si,” tiah lamzawh mi mino nih an ti.

May be an image of one or more people, people standing, outdoors and crowd

“An rat lio ah kan zung chung leiah luh aa tim mi ralkap pa kha na lut kho lo, biaknak zung hmunhma a si, tiah ka thloh i a chung ah cun an lut lo” tiin HBA zung riantuan pakhat nih The Hakha Times ah a chim.

May be an image of one or more people, people standing and road

Hmailei ah hi bantuk kan biaknak hmunhma ah Palek le Ralkap nih khuami le rammi doh le fahnak pek ruah ah hmunhma laak an timh than ahcun kan Pastor te nih raltha tein kan runvenpiak hna sehlaw a tha, cu lo ahcun khuami kan lung a fak tiah lamzawh mi mino pakhat nih a duhnak a chim. Source: The Hakha Times

Leave a Reply