Cristiano Ronaldo Zong A Ngaichih Ruangmang Ve Cang, Juventus Chuak Tak A Duh: AS

Sport

Cristiano Ronaldo Zong A Ngaichih Ruangmang Ve Cang, Juventus Chuak Tak A Duh: AS

Image result for cristiano ronaldo

Cristiano Ronaldo zong a ngaichih ve cang ko hih, Juventus he hnatlaknak ( contract) an ngaihmi dih hlan in Juventus chuah tak a duh tthan tiah,” AS thawngzamh ca nih a langhter.

Kan theih bantuk in Portuguese superstar Cristiano Ronaldo nih hin European champion Real Madrid chuah takin Juventus ah aa tthial, tutan season ah Juventus zong UEFA Champions League in hnawhchuah an si ve ruangah Ronaldo zong atu bantuk in Juventus chuah tak a duhnak a si”tiin an chim.

Image result for cristiano ronaldo

Juventus a um hnu zongah Ronaldo hi a thiamnak a hman khawh tthiamtthiam rih pin ah Serie A cun goals thun kho bik lei ah um in tutan season chungah goasl 19 a thun hnu ah midang thun dingin voi 9 tiang a tuahpiak rih hna. Serie A ah lamhruaitu an si i, anmah changah Napoli an um i, Juventus nih Napoli hi point 17 in an lonh rih hna caah Serie A title cu anmah ta ah ruah khawh a si cang.

Champions League zongah Ronaldo nih Juventus cu tampi a tunmer rih tthiamtthiam. Round of 16-ah Atletico Madrid cu amah hattrick nak thawngin an tei hna ruangah Juventus cu quarter final ah a luhpi hna. Cun quarter final puai zongah Ronaldo nih goals hnih a thun tthiamtthiam rih, Sinain quarter final ah Ajax nih an thlak ve hna. Mah an tlaknak zong hi Juventus player dang nih Ronaldo hi an bomh khawh lotuk ruangah a si ti usihlaw kan palh lem lai lo.

Image result for cristiano ronaldo

Ronaldo hi season 9 chung tiang Champions League semi final a phan peng i, Juventus a luh hnu in semi final a phan kho ve ti lo. Cu bantuk in Juventus zong nih Champions League title lak duh ruangah Cristiano Ronaldo cu €100 million leng bak in an cawk ve, nain an i tinhmi cu an tlamtlin ve lo.

Season 4 chungah double title an rak lak tawnmi zong atu season ahcun an la kho ti lai lo, Coppa Italian quarter final-ah Atlanta nih an tei hna caah semi final phan loin an tla fawn.

An i ruah ning lengin Champions League in an tlak tikah Ronaldo cu a thinhun tuk ruangah atu bantuk in Juventus chuah tak a timhnak hi si,”tiah Italian thawngzamh AS nih cun a langhter. Ronaldo nih hin Old Lady ah 2022 tiang um dingin hnatlaknak (contract) min a thut ko nain contract dih hlan hmanh in a chuak kho men,”tiah AS nih cun a langhter fawn.

Leave a Reply