Cozah nih Khampat Lungphun An Hrawh Dih Ṭhan An Hrawhnak Aruang Zong An Chim Chih

Chin News

Khampat Bungpi Lungphun cu caan sau hmanh phun a si hlanah Sagaing Region cozah nawlpeknak in hrawh a si ṭhant theih a si i ruah awk a um ngaingai. Kan theih dih cio bangin Khampat Bungpi lungphun hi Sagaing Region Cozah nih nawlpeknak le cohlannak in November 22, 2019 ah Sagion Region Chin Affair Minister Lal Thawm Thang nih onnak a rak tuahmi a si.

Image may contain: outdoor

Kalaymyo Pyituh Hluttaw MP Siami zong a rak i tel ve. Asinain, Sagaing Region nawlnak peknak ṭhiamṭhiam in February 13, 2020 ah Khampat Bungpi lungphun cu hrawh a si ṭhan hi a si. Hiti Khamphat Bungpi lungphun hrawh a si ṭhannak cu Khampat No.5 ah a ummi Kawl pawl nih Lungphun i an a ṭialmi kongkau ah Township Administrator sinah report ca an pek ruangah a si. Cu ca an pekmi hna cu Sagaing Region Cozah zungpi ah a va phan ve ṭhan.

Image may contain: outdoor

Cu ca an ṭialmi ah cun ” Chin mi hna hi Tebet-Myanmar hringsor siin AD-8 hrangah khan Tibet-Myanmar hringsor dang hna he Cihna ram Tibet in Chinlung ah Chinlung in Myanmar ah a rak lutmi an si. Chinmi hna lakah Lusei mi hna nih khuatlang lei ram Tlang Dung an kai hlanah AD-12000 hrawngah hi hmun ah hin Bungpi an phun ti Historian pawl caṭialmi in kan theih khawh i cu philh lonak caah lung hi an phunmi a si tiah tiin Chin (Lusei), Mirang le kawl holh, holh phunthum hmangin lungphun ah hin ca an ṭial” tiin reportnak caah cun an ṭial.

Image result for khampat bungpi lungphun

Kum 2020 January 28 ah timhtuahmi Sagaing Region Cozah meeting februay 2-2020 i biachahnak (3) bangin Chief Minister (Prime Minister) i tel lonak a si i, an Lungphun caṭialmi zong ahman lo ruangah Lungphu cu ṭhial dingin biachahnak tuah ṭhan a si tiah February 10 ahkhan thawngzamhnak an tuah.

Note: Mizo ca Laiholh in kan leh chawmmi a si caah kan palhnak le a sining loning in kan leh sualmi zong a um kho men. Aruah zia nan kan thiamnak lai le kan palhnak tete zong a um sual ahcun nan kan chimh remhnak lai kan in nawlpat duh hna.

Leave a Reply