North Korea nih kan ramchung ah atu tiang Covid-19 zawtnak ngeimi kan um rih lo, atu tiangah cun kan him lio asi tiin vawleipi theih ah thanhnak an tuah. Kan theih bantukin North Korea cozah nihhin a ramchung mipi pawl a hruai ning hna hi aa phundang pinah a khoh taktak. Mipi zong nih cozah biachahnak cu an ttihzah ruangah Covid-19 lakin an himnak kong cu an chim ve.

An inn pa simi China ram-in Coronavirus- Covid-19 a chuah le cang ka in ralrinnak an ngaih colh pinah an ramchung pehtlaihnak vialte an khar dih colh. Cun, ramchung khualtlung mileng tibantuk a lut mi zong chuak kho loin kharkhumh colh hna. Covid-19 zawtnak a chuah le cang ka in North Korea ramah cozah nih khoh taktak in phungphai an kalpi colh.

2020/02/14 ah ah mizaw pakhat lunghrinhmi cu cozah nawl chuahmi pahchih in mipi lakah duh paoh in a cawlcangh/chawhleh ruangah official in an kah/thahnak kong cu Korean news Wikitree ah an tarlangh. Hi kongah mi tthenkhat nih ‘Mithi cia thah a herh lo tiah a chimmi an um bantukin tthenkhat nih hi bantuk minung cu a fak bikmi dantatnak an pek ding si,”tiah a chim mi zong an um ve.

Hi kongah North Korea ramchung um US military forces hruaitu General Robert Abrams nih a chim ve mi cu, “North Korea ramchung ah Covid-19 zawtnak an um rih lo timi cu a si kho lo tukmi asi tiah” CNN le VOA sinah a chim. Asinan, zawtnak a ngeimi an um zat bel cu a chim lo. NK News editor Oliver Hotham nih a chim ve mi cu, “Ramri an kilven ning le mipi an kiven mi hna zoh tikah a relfaituk tikah a si kho mi si ko,”tiin a chim ve.

Atu tiangah Covid-19 nih a phak rih lomi ram 17 an si i cu hna cu: Burundi, The Central African Republic, Comoros, North Korea, The Federated States of Micronesia, Kiribati, Malawi, Nauru, The Republic of Yemen, Samoa, Sierra Leone, São Tomé, Príncipe, Tajikistan, Turkmenistan, Tuvalu, Vanuatu le Western Sahara ram pawl an si. A tam u cu tikhulh i um mi ram deuh an si ve.