Covid-19 Zawtnak In A Dam Mi Chris Tillett Cung Thli Cang Mi Cu Khuaruahhar Taktak Si: US, Connecticut ramkulh ah um i chungkhar he khuasa mi Chris Tillett (kum 45) cu  Covid-19 zawtnak in a dam lo. Connecticut chung i Covid-19 zawtnak a ngei hmasa bik  zong asi, a nupi Elizabeth cu nurse ttuan lio asi pinah faphir an ngei. Covid-19 zawtnak a ngei timi an theih le cang ka in siizung ah an chiah colh.

A zawtnak cu a zual deuh deuh tikah ni 10 chung cu lungfim lo le thihbawh in caan a hmnag, emergency room ah an an chiah i siivai a phunphun in an zohkhenh. Malaria le HIV siivai tiangin an thlawp nain tthat lei a phanh khawh lo ruangah amah zohkhenhtu siibawi tiangin an lungdong cang. Lungdongh vansan in Ebola siivai pek dingin timhlamhnak an ngeih cang. Vantthat ah a zawtnak cu tthat lei a panh i, cu ti cun damnak zong a hmuh thai.

Hi kongah Chris Tillett nih a chim mi cu, “Malaria le HIV siivai thazaang tthawng pawl hmang in ka dam tthan, asinan midang caah cun damnak asi lo kho men, tiah a chim. Khuaruahhar ngaimi pakhat cu, “zawtnak in a dam hnu ah a nupi le a fale belte a hngal ti hna lo, tlangval kum 18/19 hrawngah a ruat i nupi a ngeihmi zong a thei kho ti lo. A ruahnak zong aa phundang dih, asinan siibawi te nih ni 4/5 chung siizung ah thlawpbul asi tthan i, mah hnu cun a dam tthan.

Atu ahcun a nupi le a fale zong a theih hna pinah nuam tein caan an hmang tthan cang. Food and Drug Administration hna nih Covid-19 thlawpnak dingah siivai a tthawng ngaimi (drug) hman dingin nawl an chuah asinan CDCP lei nih ‘Minung ngandamnak caah ttihnung, thihnak tiang a phakpi khawh an ti ve. Ref: WMF