Myanmar zong vawlei ramdang cio hna bantuk in novel coronavirus ruang ah harnak chung ah a lut cuahmah cang. Voi dang ah a um bal lomi zawtnak nih a chuah pimi harnak ruang ah harnak ton cuahmah a si. Cu bantuk tthiamtthiam in voi dang ah ton bal lomi thil in chawlehthalnak zong ah harnak ton cuahmah a si cang.

Hi zawtnak ruang ah Myanmar ramchung chawlehthalnak siseh ramleng he chaw i lehthal tonhnak le khualtlawng lutchuak kong ah harnak tampi a um cang. Chawlehthalnak hmun businesses thong tampi hna le rian ttuantu minung thong tampi hna nih harnak an ton cuahmah cang. Cu chung ah rian ttuan ah ramchung ah a rak peemmi (migrant workers) hna zong tampi an i tel. Rampi lockdown caan hna kan phanh lebang ah cun a tu kan tonmi harnak lethra in kan harsa rih lai.

Cu hlan ah a um bal lomi harnak nih hin cu hlan ah a um bal lomi rian ttuannak a herh ve. Vawlei ramkip hna nih an ngandamnak lawng silo in chawlehthalnak le mipi bawmhnak caan ah caan ttha an i laak bantuk in kan tuah a herhmi a si. Hi virus a karh tilo nak ding caah faak deuh in kan cawlcangh lio ah le kan chawlehthalnak hna khamh kan i timh lio ah hin a ttha deuhmi thil zong kan chuahpi ding hi a biapi ngaingaimi le a herhmi thil a si.

Hi raal dohnak caah kan hmuhmi le kan ngeihmi phaisa hna hi zawtnak le chawlehthalnak runvennak ca lawng ah silo in mipi le mi sawsawh bawmhnak le bawmhnak caan ah caan ttha kan i laak awk a si. A bik in siifaak le rianttuantu chungkhar hna caah hin kan hman awk an si. Ram chung siifaak hna nih hi zawtnak ruang ah an rian an hloh cang. An caah $100 a sunglawi in cu nih cun an rilcat a peh khawh ti hi kan theih hrimhrim a herhmi a si.

A hlei in Thailand lei ah rian a ttuan i ramchung ah a rak kir tthanmi pawl kong hi kan ruah piak hna awk a si. An mah pawl ruang ah kan chawlehthalnak hna an rak tluan kha kan philhlo awk a si. An mah rian ttuantupawl ruang ah ramchung mi tampi nih eidin awk kan hmuh le kan bawmh khawh hna a si zong kan phil piak hna lo awk a si. Hi lio caah ah hin a dikmi thil tuah hna u sih. Hmawn awk a sinak zawn ah kan fund hna hi hman zia thiam an herh. Ref: Mizz