Covid 19 Pulrai Zawt Nak In Dam Ṭhannak A Ka Petu Pathian Min Ka Thangṭhat

Chin News

By Siang Tling

Image may contain: Siang Tling, sitting

Ka dam ṭhan cang. Covid 19 pulrai zawt nak in dam ṭhan nak a ka petu Pathian min ka thangṭhat. Ka zawt lio ah chambau lo ten a ka cawnghram tu ka nupi Di Ngun le ka fale cungah siseh ka unau ka chungkhat Khuami hawikom vialte hna, Thla a ka cam piak peng tu Rev. Simon Thawng Hmung, Saya Thomas Maung Myint. Rev. Lal Cung Awi @ Lal Awi Rev. Chia Zi le ka hngalh lo in thla a ra kan cam piak tu nan dihlak cungah siseh online in a ra ka thlop tu kawi Tin Hup le Salai Lairamthang cungah le hrial lo ten bbq a ra ka q piak tu Vanul Tluang Kung. Online in tha a ka pe tu le thawngpaang a ka hal tu nan dihlak cungah ka lawm tuk hringhran.

Image may contain: Siang Tling, sky, close-up and outdoor

Santlaih lo ah cei nawn ten ka zaw i ka rim cikcek. Zarh nga hnu ah sikhan sibawi nih ka thi an ka lak. An chek i na dam cang e an ka ti i ka lawm taktak. Hmaizarh cun rian ṭuan ṭhan zong kani tim cang. Ngandam tluk nuam um hlah.

Salai Lairamthang: USCIS Zung June 4 Ah An On Lai. U.S. Citizenship and Immigration Services [ USCIS] zung vialte cu June 4, thawk in on a si cang lai. USCIS nih citizen caah interview auhmi, US citizen Naturalization Ceremonies caah auhmi, vialte kha USCIS nih a thar in ca an in kuat than hna lai. Coronavirus ruangah social distancing zulh phung zulh a hau lai. Hmaihuh loin luh khawh a si lai lo. Nan dam lo ruang i na kal khawh lo ahcun dantatnak a um lai lo. A thar in appointment hal khawh a si lai.

Prepaid Debit Card. Coronavirus ruangah cozah nih bawmhnak a tuahmi, minung pakhat ah $1200 pekmi simulus check kha atu cu prepaid debit card in an thlen cang. Cucaah nan cakuang i cabawm rangmi tein a phanh tik ah tha tein chek ulaw fim ding a si lai. Mah chungah khan phaisa an rawn ciami a um.

Mah cakuat bawm kha, cawngia, zuar thanh phun ah ruah sual i, hmunthur kuangah hlonh lo ding a si lai. Mah Prepaid debit card khan phaisa pek a si cang. Unemployment Benefit a ngahmi hna zong Prepaid Debit Card in pek a si caah hlon sual lo ding a si lai. A chung ummi phaisa dih cang zongah hlonh lo ding a si lai. Mah chungah khan thla chiar nan hmuhmi vialte an rak thun lengmang lai.

Leave a Reply