Kalay ah ramdang in a rak tlungmi hna cu ni (14) chung an kharkhumhmi hna hi tuzing tiangah cazin tialtu nih a tialmi zat ah cun minung (111) an tling cang tiah theih asi.Tutan ah hiti bantukin ramdang in arak tlungmi an kharkhumhmi hna hi minung hi a tam deuh cu Tuluk le Thailand ram in a rak tlungmi an si hna tiah theih a si fawn.

Cu ramdang a rak tlungmi an chiahnak hna le an hren hna nak hmun cu Kalay Aung Thetsa sang i Thidagu Sizungah minung (36), Nurse sianginn ah minung (35) le Sethmuh zung pawng i Cauhgu phungki siangah minung (40) hmun dangdang cio ah an chiah hna.

Thidagu sizung i chungtuan abawmtu U Htay Aung nih a chimmi cu “Ramdang in a rak tlungmi kan kharkhumhmi hna hi zawtnak rungrul a ngeimi an si rih lo. Zawtnak hrik an ngeih sual ahcun an chungkhar sahlawh rualchan maw, siloah pawngkam minung an chanh sual hna lai tiah kan kharkhumhnak hna hi asi. Ni (14) chung kan zoh hna lai an ngandamnak a that ko ahcun kan chuah than ko hna lai,” tiah a chim.

Ramdang in a rak tlungmi hna hi Cozah lei ngandamnak zung nih an chim bangin ihkhun pakhat le pakhat hi pe (6) dan hlatnak in chiahpiak le ihter an si. Nitin an ei ding rawl hna cu pumpak in a rak hlutu zong an um hleiah Cozah nih tuanvo a lak dih. An chungkhat hna he zong pe (6) dan hlat lawngin an i chawn kho.

Kalaymyo ah COVID-19 nat nei ti ih rinhlelhmi minung (9) an um ih cumi sungah minung (4) cu virus an hmuh lo ruangah March ni (28) sun ah sizung in an suah ter sal zo. A tanglaimi minung (5) cu an result a hngak rero lai.

Kalaymyo ah Covid-19 zawtnak a ngei tiah lunghrinhmi hi minung (9) an um cang i hna lakah minung (4) cu Virus an ngeih lo ruangah March ni (28) chun ah sizung in chuahter an si cang. Atangmi minung (5) cu an relsult chuah lai an hngak lio tiah theih asi.

Kalay sizung i lungrinhmi an kharkhumhmi hna hi Chinmi lawngte an si i Singapore, Tuluk, le Thailand in a tam deuh cu a rak tlungmi an si hna. Thailand ram ah riantuannak company vialte an khar dih ruangau Kawlram mi riantuanmi cheukhat cu Kawlram i anmah le anmah chuahkehnak cio ah an tlung dih hna tiah theih asi fawn. Chrihchan:Cirhti