Covid-19 Lock-down Ruangah Kum 30 Chung A Lang Kho Ti Lomi Cu Fiang Tein A Lang Than: Atu lio kan dirhmun cu vawlei pi huap in Covid-19 ruangah kan buai ning le ttihphannak in kan um dih cio hna timi cu tampi chim hau loin theih le hngalh dih asi, hi zawtnak ruangah chun zan in dinh caan ngei loin rianttuan mi hna zong Covid-19 zawtnak ruangah chuak kho loin innchung ah kharkhumh cio asi. cu tin rianttuan pawl zong nih an rianttuan mi an dinh tak dih tikah kumpi kum 30 chung fiang tein a lang kho lomi cu fiang tein a lang tthan cang.

Vawlei pi rianttuan ning cang zong aa phundang pin ah khua caan zong a thianghlim khun tian Department of Earth Science and Engineering nih an langhter. Cun an chim rihmi cu “Hi bantukin dai tein a um ahcun lihninh le meitlang puak ti bantuk zong a hlannak in a dai deuh lai timi zumnak an ngei. Cun, motor pakhat a thawmpang cu a thang lo nain vawlei pi motor vialte fonh dih tikah hna a chet i mah nih cun thil tampi a chiater timi zong an langhter chih.

Seh company le meikhu, chuak mi ruangah vawlei pi a chiatter dih khawh ti a si. A cunglei kan langhter cang bantukin meikhu le boruak nih an zelh dih ruangah kumpi kum 30 chung fiang tein a lang kho ti lomi Himalayas tlangsang pi cu tutan zawtnak ruangah meikhu le boruak vialte an thiang dih i, atu ahcun fiang tein a lang tthan cang,”tiah khua caan lei hlathlaitu Sant Balbir Singh Seechewal nih SBS sinah an chim. Cu lawng si loin Ministry of Environment, Forest and Climate Change hna nih an ramchung khua caan/ boruak a thurhnawm mi vialte cu tutan zawtnak ruangah hmunkip ah lock-dwon cio asi hna i, cu nih cun vawlei pi ah khua caan/ boruak cu a thianter dih timi an hmuh khawh. Ref: Nature.com