COVID-19 A Thawhkehnak Kong Ah WHO Nih Tuluk Kong An Phuanmi Cu Awlokchong In Khuaruahhar Ngai Asi

World News

By Salai Lairamthang||05|Biangreithlep 10|2020|| Vawleicung ngamdamnak bu, World Health Organization nih Coronavirus a thawk ningcang kherhhlai dingah Tuluk coza nih an duh lo pin ah a bawmh zong an kan bawm duh lo tiah tuchun ceo ah WHO rianngeitu nih Sky News Interview ah a chim. World Health Organization (WHO) representative, Dr. Gauden Galea nih Tuluk cozah sin ah Virus a thawkning hlathlai dingah voi tampi kan hal hna nain Tuluk cozah nih an duh hlei lo” tiah a chim. Tuluk cozah nih cun WHO expert pawl sin ah Coronavirus cu minung sermi si loin saram nih minung ah a chonhmi zawtnak in a thawkmi a si” tiah an al peng hna.

WHO Director General: Coronavirus is Serious, Solidarity is Key

Dr.Gauden Galea nih Tuluk ram Wuhan khua i a ummi, laboratories pahnih hi chek kan duhmi a si. Mah kan chek khawh lawngah hmalei ah zeitindah pandemic in kan i ven khawh lai timi aphi kan chuah lai, saram zawtnak minung sin a phakning hi a biapi tukmi a si caah kan kerhhlai hrimhrim a herh, tiah interview ahcun a chim. Coronavirus cu Tuluk cozah nih Saram in minung sin lawngah a chonh khomi a si, minung le minung chonh khawhmi a si lo tiah WHO sin ah report a pek. Mah report apek mi cu WHO nih an zumh i, Tuluk cozah cu lehlam an thangthat. Atu ceo ah WHO cu mawchiat hram an thawk.

WHO declares coronavirus a global public health emergency ...

Taiwan cozah nih Januarty thla ah Wuham i a chuakmi virus hi minung le minung chonh khawhmi a si ko tiah WHO sin ah report ca an tial nain WHO nih zei ah a rel lo. Wuhan khua a zual tuk hnu, minung tampi an thih hnu, lock down an tuah hnu lawngah Tuluk cozah nih minung le minung chonh khawhmi a si tiah WHO sin ah thawng a thanh.

China coronavirus: Xi Jinping visits virus-hit Wuhan in major show ...

Tuluk cozah nih WHO sin i an thawngthanh a tlai tuk caah ramdang tampi ah a hlankan in an i veng manh ti lo. President Trump nih WHO cu Tuluk cozah a huhphenh tu nan si. Tuluk cozah lei ah a ttangmi bu nan si tiah a ti hna. Cucaah President Trump nih US nih WHO ah kum khat ah US$ 400-550 million bawmhnak apek tawnmi cu a chah piak colh hna. Tuluk cozah nih cun kum khat ah WHO ah US$40 million lawng a thawh.

Leave a Reply