Admin||04 Vaupi 26-2020|| A tu bantuk in coronavirus hi a linhsat chin lengmang i a damhnak sii an hmuhchuah khawh zoklo ah cun a rauhhlan te ah vawlei mipi kan cii a mit kho. Tuchun 26 April 2020 ah Johns Hopkins University Center for Systems Science and Engineering hna nih thanhnak a tuah ṭhan. An chimmi cu hlathlainak kan tuahkhawhning in a tu tiang ah hi novel coronavirus ruang ah vawleipi i a thimi hi minung 200,000 renglo an si cang tiah an chim.

Cun vawleicung ah hi zawtnak a ngei tiah theihkhawh vial hi minung 2.8 million renglo an si cang. A ngaingai tiah cun hi kan hmuhchuah khawhmi vial nak hin zawtnak a ngeimi le a thih pimi hi an tam deuh lai. Hneksaknak tuah khawh cawk lomi le ram cheukhat nih harnak a phunphun ṭih ruang ah a sining taktak in a chim duh lomi zong um khawh an si rih tiah Johns Hopkins University Center for Systems Science and Engineering hna nih an chim.Kan hnulei December 2019 ah China ram Wuhan khua in hi zawtnak hi ai thokmi a si nain United States cu hi zawtnak nih chiatnak tambik a tlunhnak ram a si peng ko rih. United States chung ah hi zawtnak a ngeimi hi minung 929,000 renglo an si cang. Cun hi zawtnak ruang ah a nunnak a liam cangmi hi minung 53,184 an tling cang. A ngaingai tiah cun hi nak zong hin tamdeuh khawh an si rih. Ref: ABC News

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar Lahnin ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.