Coronavirus Ruangah Rampi Khuaci An Muicang Hna A Poi Kho Taktak Ramkip Harnak An Tong

Thawngpang

Vawlei stock market khuaci an mui ko cang. Coronavirus ruang ah mipi umkal a zor, datsi a cawtu an zor tikah datsi man ceilak a tla. Saudi Arabia nih datsi tlawm deuh chuah in a man control a duh, Russia a lungtling lo. Cutikah datsi man ceilak a tum chap.

Tuzing US stock market an hon ah stock man a tla tuk, a tlak ning a ran tuk ruang ah US stock market cu chikhat an ngol. 2008 vawlei sipuazi tlak hnu in voikhatnak an ngol a si. Oil company stock man a tla khun, khuaci an mui cio ko. Salai Lungthli Tum

Coronavirus ruangah ram cheukhat harnak phunphun an tong cio hna. Australia hna ah cun facang cawk ding a um ti lo a si. Cun khualtlawnnak lampi an phih tikah khual tlawngmi anmah le ram ah kir kho loin hrenmi an tampi hna. Tlun an duh zongah vanlawng a um lo. Ram cheukhat hna cu Vanlawng tual tiang an khar ti a si.

Ramdang dangdang nih harsatnak an ton bikmi cu chawlehnak ah hin a si. Chawlehnak an tuah tawnmi Datsi chawlehnak tibantuk le Oil tibantuk a dangdang stock man an tlak tuk caah khuaci a muipi an um. Cheukhat ram ah cun dawr an khar tikah hna ah dawr a awng chunmi ah thil man a fak ngaingai ti a si. Vawleipi Chawlehnak ah an tla ngaingai ti a si.

Thawngpang rel chih: Atulio zawtnak (Coronavirus) in Italy hi China tilo ah cun a tuarcem le zaangfaak cemmi ram a si ko la. Lombardy le Province dang 14 hrawng ah minung 16 million bak an erh-khumh cang hna.Italy ram ah hin Suimilam 24 chung bak ah Coronavirus ruang ah hin minung 133 bak an thi. Italy ram ah a thimi dihlak hi minung 366 an si cang tinak a si. Prime Minister Giuseppe Conte nih, Sianginn, Gym le mibu in umnak hmun heiti bantuk paohpaoh cu April 3 tiang a khar ter dih hna.

Italy ram hi tihnung, tuksapur taktak a si cang. Coronavirus a kaimi dih lak ah minung 7,375 an tling cang. Quarantine rules a buarmi paohpaoh cu thla 3 thongthlak le £178 cawiter an si lai. Asinain zuudawr (bars) le restaurant cu an khar lai loh, an on ko lai nain minung hi pe’ 3 hlat peng ah an thut ter hna lai.

Leave a Reply