22 Vaupi 2020||Salai Van|| The New York Times nih 21 April 2020 ah thawng an thanhmi van zoh cu a lau bak in ka lau ko. An chimning ah cun coronavirus ruang ah a thimi miruak 25,000 renglo bak a tlau ti a si. Kan hnu lei thla chung ah khan ram 11 ching in coronavirus ruang ah a thimi miruak 25,000 bak a tlau. A cozah nih an thanhning nak in coronavirus ruang ah a thimi hi an tam deuh tiah hmuhchuah a si.

Kan hnu lei thla chung ah khan hi ram pawl hna ah mithi hi nikum a thimi nak in an tam deuh tiah The New York Times nih an hmuhchuah. A thimi dihlak coronavirus ruang ah siseh zeidang dang ruang ah le hospital ah phanh pi le thlawp khawh lomi pawl vialte telh in kan hnu thla ah a thim hi nikum kumkhat chung ah a thimi vialte nak in an tam deuh tiah an chim. Hmanthlak ah kan langhter bantuk hin fiangte in an langhter a si.

Cu hlan mithi naak in a thimi an tam deuh timi fiangte in kan hmuh. Paris ah cu hlan i nikhat ah mithi a um tawnmi lethnih bak in a thimi an tam deuh. Cu hmanh ah cun zawtnak chuahru a rak tlun tawn lio mithi an rak tambik lio caan in tuakpiak an si rih. New York City ah hin cuhlan mithi an umtawnmi nak in a letli bak in a thimi an tam.

Nawlngeitu hna nih a thizat theih khawhmi le a thi taktakmi cu hi bantuk caan ah cun a si awk zong a si ko. Timh ciammamte in an tuahmi cu a si lem lailo nain hneksaknak thilri le caan hna an i nguhdaihlo ruang zong ah a si kho. Phungningte in mipi sin ah an thanhning ah cun vawleicung ah hi coronavirus in a thimi hi cacawn nihnihni tiang ah khan minung 165,000 hrawng an si cang ti a si. A sinain a ngeingai tiah cun hi zawtnak ruang ah a thi taktakmi hi hinak in an tam deuh tuk lai tiah mithiam (experts) pawl nih an chim. Ram tampi ah cun sii inn ah a thimi vial lawng in an relmi a si tiah an chim chih. Ref: The New York Times

Note: Chinworldnewsvening nih thawngpang kan ṭialmi hi mah nih phuahcawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevaning page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.