Coronavirus ruangah ramthum a ummi Laimi cheukhat harsanak an tong ti u sihlaw kan palh tuk men lai lo. Chin ralzaam tampi kan umnak Australia ah facang a dih lai tiah thawnngpang a thang. Cu lawng hlah zeitindah an ti rih ah cun, facang man zong a kai lai tiah theih a si fawn. Coronavirus ruangah US ram chung le Nichuah, Nitlak Australia ram chungah um Chin ralzam cheu khat hna le Asian ram mi zei maw zat hna (Dawr) an tuah.

Ruahlo pi in Coronavirus a hung chuah tik ah t’an t’hat nak ah an hman ciammam i Lai Dawr Ngeitu zong siseh,Asian dawr ngeitu hna zong siseh,Facang man cu an kaiter bu Facang cawk awk hmanh a har cang ti a si. Cu konghe pehtlai in Australia Lai dawr a ngeimi pakhat tonbiaruahnak an ngeihmi rak rel ve.

Australia ah lai dawr Chin Family Store ngeitu L L B Channel thawngzamhtu hna nih biahalnak an tuah hna. Cu biahalnak an tuahmi cu video kan chiah chih i video ah tling tein ngaih khawh a si. Facang a kai maw or nan ngei ti maw? timi biahalnak an tuah i lehnak a tuahmi hna cu “Atu lawlawse cu kan facang zong a dih ve i asinain a phan tthan lai. Zaalei ah a phan than lai i a um tthan ko lai. A man cu a kai tuk lai lo Company lei nih a ka kaihning in a kai ve te ko lai,”. “hmalei caan hna ah teh facang hi Tuluk ram maw a rak phan taktak ko i caan saupi a kan phih lai ti nan ruat? tiah biahalnak a tuah i lehnak a tuahmi cu “Caan saupi cu a kan phih/block lai ti cu kan ruat lemlo. A tu a rak phan lai dingmi facang zong nih a hlankan tein min a pe ciami zong an um. Facang law si loin, chiti zong a dih pah,” tiah dawr ngeitu Ṭha Ṭha nih a chim. Video timi hi rak hmet law a chimnak ngaih khawh a si.

||Biakilh: Laimi kan mak ngaingai. Laimi le Laimi cungah dawtnak kan ngei lo ngaingai tiah ka ruah. Cheukhat cu hibantuk buainak maw kan ton lioah hin thil caan ṭha ah hmangin thil man hna kan kaiter i thil sining lo pi in tuaanh kan hmang.||