Admin||04 Vaupi 26-2020|| Coronavirus kong chim paoh ah a ṭhatnak kong chimchih a si bal lem loh. A sinain khatleikam ah thilṭha a chuah pimi a rak um ve ziar ko ti a si. An chimning ah cun coronavirus ruang ah ram tampi ah lockdown le social distancing tuah a hung si. Cu caah Sexually Transmitted Disease (STD) a tlawmter ngaingai tiah City Health Department hna nih an chim.

Health Department hna nih an chimning in STDs hi zatuak sawmriat (80%) bak in a ṭum ti a si. Kan hnu March 1 ah khan STDs cases hi 5,073 bak a rak si. A sinain April 12 ah kan zoh ṭhan tik ah cun minung 1,037 lawng an si cang tiah city Health Department hna nih an chim. West Village Gotham Medical Group i a ṭuanmi Dr. Kris Bungay nih a chimmi cu coronavirus outbreak ai thokka in a tu tiang ah STDs in a zawmi hi minung pathum maw pali hrawng lawng ka thlawp hna. Thlakhat chung hi zawtnak ruang ah a ho hmanh nih phone call zong a um loh. Hihi socially distancing nih a chuah pimi a si tiah a chim.

A chim rihmi cu mi cheukhat hna lebang cu HIV in i khamnak sii PrEP tiah theihmi zong laak/cawk an ngol cang. Nuva sinak tuahnak a um ti lai loh i i runven len zong a hau ti lai loh tiah an chim ti a si. Midang he nuva sinak an hman tilo a si ah cun HIV i khamnak sii hman a herhnak cu a hau ti loh tiah a chim chih. Google ah Transmitted Disease STDs ṭial u law zawtnak ṭhalo a lang lai. Cu zawtnak cu Coronavirus ruangah a tlawm deuh tiah si Siibawite nih an hmuh chuahmi a si.Ref: NYPost

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar Lahnin ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.