Coronavirus Ruang Ah Myanmar Zong Bazar Pawl Khaar An Si Caah Phundangte In Dawr An Hun Than (+Video)

Thawngpang

Myanmar hi zeidang fiamthiamnak ah cun thluak a ngei bak tiah van chim awk cu hngalh a si tuk lemlo nain hi bantuk kong ah cun virhkhoih a thiam ngaingai. Coronavirus nih Myanmar ram zong a kenkip in a van den cuahmah ve cang. Nizan ah khan Kalaymyo zong a phanh cang caah Tahan dawr vialte khaar an si. Cu caah phundang te in dawr hun khawhnak lam an kawl cang. Nihin 17 April thok in Tahan bazarpi cu Satawm bualrawn ah an thial. Thil zuartu pawl cu pe 6 dan in an tthutter hna.

Hi bantuk in bualrawn ah thil zuartu pawl cu pe 6 dan in tthu ko hna hmanh seh law a cawtu pawl caah ruahawk a um ngaingai rih. Zalong ngai bantuk in mipi an i chawh tik ah i piak-kan a um lai. Cu lak ah cheukhat daithlang le zawtnak kan ngei bal lai loh ti phun in a cawlcang tawk zong um khawh a si. Hihi khatlai ah a tthat ve ko lai bu ah a tthat lemlonak zong um khawh a si.

Nifatin eidin ding cu minung nih kan herh pengmi le an si fawn tik ah thil cu zuar le cawk cu an hau ve hrim ko. A sinain mipi nih bualrawn ah thil i zuarh le i cawk hi cu a tu kan tonmi thil kong he pehtlai in cun a him deuh him loh tiah a chimmi tawmpi um a si ve. An video hi rak zoh ve cio ko u law Pe 6 dan in an um kho peng loh ti cu fiangte in a lang. Credit: The Hakha Post & Cattialtu

Leave a Reply