Coronavirus Ruang Ah American Mining 6.6 Million Renglo Bak Rian Ngeilo An Si Cang

Thawngpang

Tuchun cacawn nilini ah U.S. Department of Labor hna nih an thanh ning in coronavirus ruang ah US mipi hna cu cuhlan bantuk in rian an ttuan kho ti lo. Kan hnu zarh ca phaisa laak caan a hung tlin cu minung 6.6 million renglo bak rian ngeilo an rak si cang. Hi minung 6.6 million bak nih rian ttuanlo bu in phaisa an laak cang tiah a chim.

Coronavirus updates: US jobless figure surges amid coronavirus ...

Cacawn nilini ah thildang pakhat a hung lang rihmi cu minung 10 million hrawng hna nih coronavirus ruang ah rian an ttuan khawhlo caah rian ttuan lomi bawmhnak (unemployment insurance) an hal tthan cang. Hi zawtnak ruang ah hin chawlehthalnak cheukhat (non-essential businesses) hna cu khaar an si.

Zarhthum chung bak ah minung 16 million renglo an i chap tinak a si. Hlathlaitu cheukhat nih an chimning ah cun coronavirus ruang ah khaar termi hmun pawl ah rian a ttuanmi hna lawng rian ttuanlo zong peekmi hlawh hi peek an si lai tiah an chim. US cozah le Federal Reserve hna nih hi kong ah hin a nemnak in khua an khan lai tiah Williams nih a chim chih. A sinain chawlehthalnak hmun tampi hna cu khar cuahmah an si peng ko rih caah a ra laimi zarh ah cun rian ngeilo hi an karh chin lengmang rih lai ti cu a fiangmi a si ko tiah an chim chih.

Unemployment applications are seen as City of Hialeah employees hand them out to people in front of the John F. Kennedy Library, April 8, 2020, in Hialeah, Fla.
Unemployment applications are seen as City of Hialeah employees hand them out to people in front of the John F. Kennedy Library, April 8, 2020, in Hialeah, Fla.

Hi bantuk in ton bal lomi le rak ruah chung bal lomi thil nih hin US lawng silo in vawleicung pumpi ah buainak le harnak a phunphun in a chuahpi. Rian ttuanlo bu zong ah phaisa laak khawhnak (unemployment inurance) a sokmi hi ram tampi zong ah an karh cuahmah cang hna tiah an chim fawn. Ref: ABC News

Leave a Reply