Coronavirus Nih Vawleicung Ah Chiatnak A Tluntermi Hi Tuksapur Taktak A Si Ko

Thawngpang

Coronavirus udates 24 April: Kan thanh lengmang bantuk in coronavirus hmang in thihnak nih vawlei ah a thla cu a zarh cuahmah peng ko rih. Hi pulrai hmang in thihnak nih cun a mikip cung ah a kutkiik cu a samh tik ah mi vialte kan tuk a sum i kan thlakawk a kan baar dih cio. A sinain Khrih chung ah ruahchannak cu zeitik hmanh ah a dong bal lo ti hi philh hrimhrim hna hlah u sih.

Coronavirus 'patient zero' contracted case on November 17 ...

Johns Hopkins University Center for Systems Science and Engineering hna nih 24 April ah thanhnak an tuahning in coronavirus ruang ah vawleicung i a thimi hi minung 187,000 renglo an tling cang ti a si. Vawleicung ah hi zawtnak nih a phanh cangmi hna hi 2.6 million renglo an si cang. A ngaingai tiah cun hinak hin an tam deuh hrimhrim lai tiah zumh a si. Hneksak khawh cawk rih lomi hna le ram cheukhat nih an sining taktak in an chim duh lomi zong a um lai tiah an zumh.

Vawleicung ram vialte lak ah United States hi coronavirus a tam biknak ram a si peng ko rih. Thlapa thlanga hrawng te lawng a rau ko rih nain US ramchung lawng hmanh ah hin zawtnak a ngeimi minung 856,000 renglo an si cang. Cu chung ah a thihpi cangmi hna hi 47,272 paoh cu an tling cang lai ti a si.

Coronavirus Outbreak LIVE Updates: Number of Affected Countries ...

April 24 zanlei suimilam 4:21 ah khan New York firefighter Jerel La Santa fanu thlanga te lawng a si rihmi cu hi coronavirus ruang ah a nunnak a liam tiah FDNY Hispanic Society nih an chim. Zanlei suimilam 3:59 tiang ah khan California ah cun a thimi an karh chin lengmang ko rih ti a si. An chimning ah cun a luan ciami suimilam 24 chung ah khan California State chung ah a thimi minung 115 an i chap tiah Gov. Gavin Newsom nih a chim. Ref: ABC News

Leave a Reply