Bank of Japan (BOJ) Chief nih vawleipi nih kan ton cuahmahmi coronavirus nih hin Japan chawlehthalnak cu faak ngai in a tongh cang tiah a chim. Japan Governor Haruhiko Kuroda nih cacawn nilini ah a chimmi cu hi bantuk in coronaviurs zawtnak a hung chuak phutmi nih hin faak ngai in Japanese economy cu harnak a peek ko ccang. Vawleipum huap in chawlehthalnak zong hi zei can dah a nguh lai timi a fiang kho hrimhrim rih loh tiah a chim chih.

Bank of Japan nih hin hi kong ah lung awttawmlo te in a herhning in a cawlcang lai. Ramchung ah hi zawtnak a karh ti lo nak hnga caah rian ttuannak kong a si zong ah tiin Kuroda nih ramchung bank branch manager pawl he biaruahnak an ngeihnak ah a chim.

Hi bantuk in a biapi tukmi meeting an ngeih hi ramchung mipical deuh khusaknak hmunpical hna ah zawtnak a hung karh deuh thluahmah caah a si. Prime Minister Shinzo Abe nih cacawn nihnihni ah khan a rak thanhmi cu Tokyo, Osaka le hmundang panga hna ah state emergency hi virus a karh tilo nak hnga thanh a hau tiah a rak chim cang. Ref: Irr