Atulio zawtnak ṭihnung Coronavirus ruangah nupa a ṭhenmi zong an um pah len cang ti asi. Cun Asian minung he muisam a lo pahmi hna cu China lei in a rami ruah in miphun dang nih an ṭih hna ti asi. A thimi le a karh chin lengmang i zawtnak hrik a ngeimi zong an karh chin lengmang.

Lithuania, Vilnius patling pakhat cu Coronavirus a ṭih tuk ruangah a nupi cu Coronavirus a ngei tiah aruah i ek inn chungah a kharkhumh tiah theih asi. A nupi cu China mi ahawinu a va leng i a hawinu cu Italy ram in arak phanka mi te a si. A pasal nih a nupi nu ahawinu konglam cu a theih cang ka in a rianraannak in Sibawi a chawnh colh hna.

Sibawite sinah cun “zeitindah Coronavirus zawtnak chungin ka kilven khawh lai zeidah ka tuah aherh? tiah sibawi hna cu ruahnak ahal hna, ”. Sibawite nih cun “ lengah chuah lengmang lo ding, cun Coronavirus zawtnak angeimi pawngah ṭhutdir in um tuk lo ding,” sibawite nih cu pa cu lehnak an rak tuah. A nupi cu inn ah arak lawi i ekinn chung a luh cangka in a kharkhumh colh. Coronavirus zawtnak hrik na ngei ve cang tiah a ti i ekinn ah cun a kharkhumh.

A nupi cu cuti i a pasal nih ekinn chung i kharkhumhmi cu a thinhung tuk i palik a chawnh colh ve hna. Palik nih a konglam an hal tikah, a nupi cu case zeihmanh a tuah lo ruangah a pasal cu an tlai lo. A nupi nu cu checknak an tuah tikah zawtnak hrik a ngei lo tiah ti an theih i hmunkhatte an um ṭi ṭhan.