Coronavirus Kong Ah Washington Nih Mipi Sin Ah Thanhnak A Thar In A Tuah Than Cang

Thawngpang

Coronavirus cu a ho nih kham khawhlo in a duhpaoh ah vawleicung ramkip ah ai chok ko. A phanhnak ram le hmun kip ah thihnak le zatlaknak a phunphun nih a zulh colh. Hi zawtnak ruang ah hin vawleipi huap in minung 2 million renglo nih ihkhun ah phanhpi cang. Cu lawng si lo in minung 136,000 renglo bak thlankhur ah a liampi cang hna tiah Johns Hopkins University, Center for Systerms Science and Engineering nih an khawmhsuat khawnh ning in an thanh. A ngaingai tiah cun hi nak hin an tam deuh lai tiah an zumh. Zawtnak an ngeih le ngeihlo hlathlai khawh cawk lomi le ram cheukhat nih a sining dik tak in a chim duhlo an um lai tiah zumh a si.

Coronavirus New York mass burials photo video amid outbreak ...

US ram hi vawleicung ram vialte lak ah hi novel coronavirus a tam biknak ram a si. US ram lawng ah hi zawtnak a ngei tiah thawh khawh cangmi hi minung 638,000 renglo an si cang. Cu pin ah minung 30,844 paoh nih cun an thihpi cang e tiah an thanh. Cu caah US ramchung Washington nih cun mipi vialte inn ah um deuh rih ding in nawl an chuah tthan cang.

US ramchung state pakhat New York state lawng i zawtnak a ngeimi hi ramdang ram pakhat pumpi ah zawtnak a ngeimi hna nak in an tam deuh. New York state chung lawng bak ah hin minung 214,000 renglo nih hi tuksapur zawtnak hi an ngeih cang ti a si. Kan thanh cang bantuk in hi zawtnak hi vawlei ah kan hnu kum December thla ah China ram in ai thokmi a si. Refa: ABC News

Leave a Reply